უკან

საზოგადოება

17 ნოემბერი, 2017 16:10
font-size

ქართულ კალათბურთს ძალიან ცუდი პერიოდი უდგას - კალათბურთის ფედერაციას საპრეზიდენტო არჩევნების შესაძლო გაყალბებაში ადანაშაულებენ

„კალათბურთის ფედერაციის ხელმძღვანელობაში ცდილობენ, გააყალბონ არჩევნები“, - ამის შესახებ კალათბურთის ფედერაციის პრეზიდენტობის კანდიდატმა და ყოფილმა კალათბურთელმა შიო ხეცურიანმა საკალათბურთო ნაკრების გამთამაშებელ გიორგი ცინცაძესთან ერთობლივ პრესკონფერენციაზე განაცხადა.

ხეცურიანის განმარტებით, ფედერაციამ საქართველოს კალათბურთის მოთამაშეთა გაერთიანების 64 წევრს ფედერაციის პრეზიდენტის არჩევნებში ხმის მიცემის უფლების მინიჭებაზე უარი უთხრა. ყოფილი კალათბურთელის შეფასებით, ეს გადაწყვეტილება უსამართლოა.

„მიმდინარე წელს შეიქმნა საქართველოს კალათბურთის მოთამაშეთა გაერთიანება, რომლის ხელმძღვანელიცაა გიორგი ცინცაძე, გაერთიანება 64 მოთამაშისგან შედგება – ესენი არიან, როგორც სუპერლიგის, ასევე ა ლიგის მოთამაშეები. აღნიშნულმა გაერთიანებამ 13 ივლისს მიმართა კალათბურთის ეროვნულ ფედერაციას, რომ იგი მიეღო სრულუფლებიან წევრად და კალათბურთის ფედერაციის პრეზიდენტის არჩევნებში ხმის მიცემის უფლება მინიჭებოდა. სამწუხაროდ, კალათბურთის ფედერაციის ხელმძღვანელობამ და გამგეობამ არ დააკმაყოფილა ეს მოთხოვნა. განმარტება არ გაუკეთებიათ, მაგრამ რამდენადაც მოარული ხმით ვიცით – მიმდინარე წლის 15 მაისს გამგეობას მიუღია გადაწყვეტილება, რომლის თანახმადაც შემდგომი ყველა განაცხადი წევრობასა და დელეგატობის სურვილზე არ იქნებოდა დაკმაყოფილებული. ეს არის კიდევ ერთი უსამართლობა, არაკეთილსინდისიერი გადაწყვეტილება, რომელსაც, ფედერაციის ხელმძღვანელობა სჩადის. ფაქტობრივად, კალათბურთის ფედერაციის ხელმძღვანელობამ, კალათბურთელებს ჩამოართვეს თავიანთი პოზიციის დაფიქსირების უფლება. გამგეობის მიერ მიღებული გადაწყვეტილება არ იყო დაანონსებული, არ იყო დედლაინის არსებობის შესახებ ინფორმაცია გავრცელებული. სხვა ჩემ მიერ დასახელებულ ფაქტებს, რომლებითაც ისინი ცდილობენ, გააყალბონ არჩევნები, ემატება ეს გარემოებაც. ფედერაცია ჩუმად, შენიღბულად მოქმედებს“, -თქვა ხეცურიანმა.

მან ჟურნალისტებს იმ განცხადების ასლიც წარუდგინა, რომლითაც გიორგი ცინცაძემ ფედერაციას სრულუფლებიანი წევრობის თხოვნით მიმართა.

კალათბურთის ფედერაციის პრეზიდენტობის კანდიდატის თქმით, გაერთიანება კიდევ ერთხელ მიმართა უწყებას შემახსენებელი წერილით, რომ განემარტათ თავისი გადაწყვეტილება, თუმცა ფედერაციას პასუხი არ გაუცია.

კალათბურთელ გიორგი ცინცაძის თქმით, ქართულ კალათბურთში მძიმე მდგომარეობაა. მან ასევე განმარტა გაერთიანების შექმნის მიზეზები.

„შეიძლება, გარედან ისე არ ჩანს, მაგრამ დამერწმუნეთ, 15 წელია ეროვნულ ნაკრებში ვთამაშობ და თუ მოვა კალათბურთში ჩახედული ადამიანი და მეტყვის, რომ ამ სფეროში კარგი მდგომარეობაა, გამეცინება და ავუხსნი, რომ ასე არ არის.

დავაარსეთ კალათბურთელთა გაერთიანება? შარშან „ქუთაისში“ ვთამაშობდი, მოვიგეთ საქართველოს თასი და კუთვნილი თანხა არ ჩარიცხეს. შემდეგ ჩამოვაყალიბეთ ეს მოთამაშეთა კავშირი, რათა დაგვეცვა მსგავსი ფაქტებისგან მოთამაშეები. ფაქტობრივად, პროფესიონალების უმრავლესობა მხარში გვიდგას და სამწუხაროა, რომ არ მოხდა ჩვენი გუნდის დარეგისტრირება ფედერაციის სრულუფლებიან წევრად. არ ვარ ჩახედული, ფედერაცია რას საქმიანობს. ფაქტია, რომ საქართველოს ნაკრები კარგად თამაშობს, მაგრამ ეს არ არის წინსვლა. ჩემი აზრით, დღეს ქართულ კალათბურთს ძალიან ცუდი პერიოდი უდგას და შველა სჭირდება”, – განაცხადა კალათბურთელმა.

ცინცაძემ აღნიშნა, რომ არჩევნებში ხეცურიანს უჭერს მხარს.

ანა მებურიშვილი

მოვითხოვთ პარლამენტმა დაუყონებლივ აკრძალოს გვამებით ვაჭრობა და დაჩქარებული წესით მიიღოს ჩვენი კანონპროექტი - ლაშა ჩხარტიშვილი

20 აპრილი, 2019 , 16:45

დღეს, „ლეიბორისტული პარტიის“ ერთ–ერთმა ლიდერმა ლაშა ჩხარტიშვილმა, პარლამენტში „შრომის უსაფრთხოების შესახებ“ კანონში ცვლილებების შეტანის შესახებ, მის მიერ მომზადებული კანონპროექტი გამაფრთხილე

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს

20 აპრილი, 2019 , 14:50

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს. უწყებაში აცხადებენ, რომ ქვეყნის ტერიტორიაზე ბზის ხმობა ბოლო რამოდენიმე წელიწადია განსაკუთრებულ პრობლემას წარმოადგენ

მთაწმინდელებში ცალსხად ერთი განწყობაა, ხელისუფლება უნდა შეიცვალოს - შალვა შავგულიძე

20 აპრილი, 2019 , 12:15

ბლოკ „ევროპული საქართველო – თავისუფალი დემოკრატების“ მაჟორიტარი დეპუტატობის კანდიდატი შალვა შავგულიძე ამომრჩევლებს ხვდება. შალვა შავგულიძე პეტრიაშვილის ქუჩის მცხოვრებლებს შეხვდა. როგორც „ევროპული

მართლმადიდებელი ეკლესია დღეს ლაზარეს შაბათს აღნიშნავს

20 აპრილი, 2019 , 11:12

მართლმადიდებელი ეკლესია დღეს ლაზარეს შაბათს აღნიშნავს. ამასთან დაკავშირებით ტაძრებში წირვა-ლოცვა შესრულდება. წმინდა სახარების მიხედვით, უფალმა მისი მეგობარი, ოთხი დღის მკვდარი ლაზარე მკვდრეთით აღადგინა. ლაზარეს შაბათს სრ

ნინო ანანიაშვილი ევროპა ნოსტრას პრეზიდენტი გახდა

20 აპრილი, 2019 , 10:20

თბილისის ოპერისა და ბალეტის თეატრის ბალეტის სამხატვრო ხელმძღვანელი ნინო ანანიაშვილი ევროპა ნოსტრას საპატიო პრეზიდენტად აირჩიეს. „ჩემთვის დიდი პატივია ვიყო ევროპა ნოსტრას პრეზიდენტი საქართველოში. ევროპა ნოსტრას პრეზ

საქართველოს მთავრობამ ოკუპირებულ ტერიტორიებზე მცხოვრები ახალგაზრდებისთვის საგანმანათლებლო პროგრამა დაიწყო

19 აპრილი, 2019 , 15:40

საქართველოს მთავრობამ დაიწყო საგანმანათლებლო პროგრამა ოკუპირებულ ტერიტორიებზე მცხოვრები ახალგაზრდებისთვის. საკითხი დღეს მთავრობის სხდომაზე განიხილება. საქართველოს პრემიერ-მინისტრის, მამუკა ბახტაძის განცხადებით, მიმდინარე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019