უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
„ქართულ ოცნებას“ საკონსტიტუციო უმრავლესობა გადასახადების ასაწევად სჭირდება - სერგო რატიანი
ნაციონალური მოძრაობის წევრის, სერგო რატიანის განცხადებით,მმართველ გუნდს საკონსტიტუციო უმრავლესობა იმისთვის სჭირდება, რომ მოსახლეობას გადასახადები აუწიოს, დაანგრიოს პრეზიდენტის ინსტიტუტი.
ამის შესახებ რატიანმა პრემიერ-მინისტრის მიერ გაკეთებული განცხადების კომენტირებისას მედიასთან საუბარში აღნიშნა.
„ხელოვნური და არაჯანსაღია, როდესაც ერთი კაცის მიერ არაფორმალურად მართული პოლიტიკური ძალა გაყალბებისა და ძალადობის გზით იღებს 47%-ს და სურს ამაზე მეტი ჰქონდეს, ანუ საკონსტიტუციო უმრავლესობა და მართოს ქვეყანა ამ ლეგიტიმაციით, როდესაც საზოგადოებას მისთვის ეს ლეგიტიმაცია არ მიუცია. მას სურს საკონსტიტუციო უმრავლესობა იმისთის, რომ რეფერენდუმის გარეშე, ეკონომიკურ კრიზისში მყოფ ქვეყანას აუწიოს გადასახადები, ქუთაისს პარლამენტის ნაცვლად შეაჩეჩოს ნარჩემაშვილი და დაანგრიოს პრეზიდენტის ინსტიტუტი, რათა უმრავლესობის მიერ გადაჭარბებულ ძალაუფლებას არ ჰქონდეს შემაფერხებელი ფაქტორები. საზოგადოება ამას არ დაუშვებს, რომ საკონსტიტუციო უმრავლესობით მოვიდნენ“,-აღინიშნა რატიანმა.
შეგახსენებთ, რომ დღევანდელ მთავრობის სხდომაზე პრემიერ-მინისტრი სამოქალაქო საზოგადოების მიერ წამოწყებულ კამპანიას გამოეხმაურა.
მისი თქმით,“ქართული ოცნების“ მიერ საკონსტიტუციო უმრავლესობის შესაძლო მოპოვებასთან დაკავშირებით „აბსოლუტურად არაჯანსაღი სპეკულაციაა, რომ ~დაიღუპა ქვეყანა დღეს, რადგან „ქართული ოცნება“ იმარჯვებს საკონსტიტუციო უმრავლესობით~, არის ძალიან ხელოვნური“.
მისი თქმით, „ქართულ ოცნებას“ საკონსტიტუციო უმრავლესობა სწორედ იმისთვის სჭირდება, რომ დაპირები შეასრულოს.
მონიკა დავლიანიძე