უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
ქართული დიპლომატიის დღისადმი მიძღვნილი ღონისძიება
დღეს 4 ნოემბერს, საქართველოს საგარეო საქმეთა სამინისტროს ორგანიზებით, ქ. თბილისის საკრებულოში ქართული დიპლომატიის დღესთან დაკავშირებით სადღესასწაულო მიღება იმართება, რომელსაც საქართველოს აღმასრულებელი და საკანონმდებლო ხელისუფლების წარმომადგენლები, საქართველოში აკრედიტებული დიპლომატიური კორპუსის ხელმძღვანელები, საგარეო საქმეთა სამინისტროს ცენტრალური აპარატის თანამშრომლები და ჟურნალისტები დაესწრებიან.
3 ნოემბერს ქართული დიპლომატიის დღე აღინიშნება. ეს თარიღი ქართველი დიპლომატების პროფესიულ დღესასწაულად 2004 წელს დაწესდა და ცნობილი ქართველი მწერლისა და საზოგადო მოღვაწის სულხან-საბა ორბელიანის დაბადების დღეს უკავშირდება.
საქართველოს საგარეო საქმეთა მინისტრმა მიხეილ ჯანელიძემ კოლეგებს პროფესიული დღესასწაული მიულოცა.
„ძვირფასო კოლეგებო, გილოცავთ ქართული დიპლომატიის დღეს! მსურს გულითადი მადლობა გადაგიხადოთ ჩვენი ქვეყნისთვის გაწეული ერთგული სამსახურისთვის. სწორედ თითოეული თქვენგანის დაუღალავი შრომის დამსახურებაა ის დიდი წინსვლა, რომელსაც საქართველომ ბოლო პერიოდში საერთაშორისო ასპარეზზე მიაღწია. ღრმად მწამს, რომ ერთად გავუმკლავდებით ჩვენს წინაშე არსებულ გამოწვევებს და ვიზრუნებთ ჩვენი ქვეყნის კეთილდღეობაზე!“