უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
ეკონომიკა
ქართული დროშის ქვეშ მცურავი გემები ჰონგ კონგის ნავსადგურში იმავე პირობებით ისარგებლებენ, როგორც ჰონგ კონგის გემები
ჰონგ კონგის ნავსადგურში თავისუფალ შესვლასთან, ნავსადგურის ინფრასტრუქტურისა და დამხმარე საზღვაო მომსახურების გამოყენებასთან, ასევე მასთან დაკავშირებულ საფასურებთან და გადასახდელებთან, საბაჟო საშუალებებთან და დატვირთვა-გადმოტვირთვისთვის ნავმისადგომისა და ტექნიკური საშუალებების გამოყოფასთან დაკავშირებით ისარგებლებენ იგივე პირობებით, როგორითაც სარგებლობენ ჰონგ კონგის გემები - ამას ითვალისწინებს თავისუფალი ვაჭრობის შეთანხმება, რომელიც 28 ივნისს, საქართველოსა და ჰონგ კონგს შორის გაფორმდა.
საქართველოს მხრიდან ხელშეკრულებას ხელი ეკონომიკისა და მდგრადი განვითარების მინისტრის მოადგილემ, გენადი არველაძემ მოაწერა.
„საქართველო პატარა, მაგრამ მიმზიდველი ქვეყანაა საერთაშორისო ინვესტიციებისთვის ქვეყნის ღია ბაზრის, ლიბერალური ეკონომიკისა და სტრატეგიული ადგილმდებარეობის გამო,” - განაცხადა ეკონომიკისა და მდგრადი განვითარების მინისტრის მოადგილემ გენადი არველაძემ.
მისი თქმით, საქართველო არის რა აშშ-ს სტრატეგიული პარტნიორი და ევროკავშირის ასოცირებული წევრი, თავისუფალი ვაჭრობის პრივილეგიებით სარგებლობს ევროკავშირთან, EFTA-სა და დსთ-ს ქვეყნებთან, თურქეთთან, ჩინეთთან და ახლა უკვე ჰონგ-კონგთან.
„ბიზნეს-მეგობრული პოლიტიკა, ძლიერი რეგიონალური და საერთაშორისო სავაჭრო ურთიერთობები და გეოპოლიტიკური ადგილმდებარეობა - ეს ის ფაქტორებია, რის გამოც საქართველო რეგიონში ინვესტირებისთვის ყველაზე მეტად ხელსაყრელი ქვეყანაა,“ - განაცხადა გენადი არველაძემ.
საქართველსო ეკონომიკის სამინისტროს ინფორმაციით, მომსახურების სფეროში შეთანხმების პირობების შესაბამისად, საქართველოსთვის მიმზიდველია ტურიზმის სექტორი და ასევე სატრანსპორტო მომსახურება საზღვაო ტრანსპორტით მგზავრთა გადაყვანის და ტვირთის გადაზიდვის მიმართულებით. ჰონკონგი ამ ორივე მომსახურების მნიშვნელოვანი იმპორტიორია. ის ფაქტი, რომ შეთანხმების პირობების თანახმად, ქართული დროშის ქვეშ მცურავი გემები ჰონგ კონგის ნავსადგურში იმავე პირობებით ისარგებლებენ, როგორც ჰონგ კონგის გემები, უპრეცედენტოა ჰონგ კონგსა და სხვა ქვეყნებს შორის გაფორმებული შეთანხმებებისგან განსხვავებით, რაც კიდევ უფრო მეტად გაზრდის ცნობადობას და ხელს შეუწყობს ქართული დროშის კონკურენტუნარიანობის ზრდას.
წარმოდგენილი შეთანხმების ძალაში შესვლა მიმდინარე წლის ბოლომდე იგეგმება. მისი ამოქმედება ხელს შეუწყობს სავაჭრო ბრუნვის ზრდას მხარეებს შორის და ქართველ მეწარმეებს მისცემს შესაძლებლობას დამატებითი ბიუროკრატიული ბარიერების გარეშე მიაწოდონ საკუთარი პროდუქტი და მომსახურება 7 მილიონიან მაღალ მსყიდველობისუნარიან სამომხმარებლო ბაზარს.