პოლიტიკა
`ქართული ოცნება` თვლის, რომ საერთაშორისო ასპარეზზე ისეთივე ხრიკებით გავა ფონს, რომლითაც საშინაო პოლიტიკაში ცდილობს გადარჩენას - გრიგოლ გეგელია
აშშ-ს სახელმწიფო დეპარტამენტის განცხადება, რომ "ვაშინგტონში ჩვენი გულწრფელი საუბრების არასწორი დახასიათება გულდასაწყვეტია" ცხადყოფს, რომ "ქართულ ოცნებას" არ ესმის ჩვენი სტრატეგიული პარტნიორების ენა და სულისკვეთება, - ამის შესახებ „ლელოს“ წევრი გრიგოლ გეგელია აცხადებს.
მისივე თქმით, "ქართული ოცნება" თვლის, რომ საერთაშორისო ასპარეზზე ისეთივე ხრიკებით გავა ფონს, რომლითაც საშინაო პოლიტიკაში ცდილობს გადარჩენას.
„ეს ხელისუფლება იმდენად უუნაროა, რომ ვერც თავისთვის სასურველ შედეგებს აღწევს და ქვეყნის ინტერესებსაც მუდმივად აზარალებს. მათ უნდა ესმოდეთ, რომ ამგვარი საქციელი არ გაჭრის, არც შინ და არც გარეთ. ჩვენი სტრატეგიული პარტნიორების სურვილია, რომ ეს კრიზისი გადაიჭრას ორმხრივად, "ქართული ოცნების" და ოპოზიციის კონსენსუსის შედეგად და არ იქცეს "ქართული ოცნების" რიგით პიარულ „ტრიუკად“, - აცხადებს გეგელია.