უკან

უახლესი ამბები

დღის კალენდარი

ანონსები

არქივი

პოლიტიკა

5 ოქტომბერი, 2017 17:20
font-size

„ქართული ოცნების“ საარჩევნო შეხვედრის გამო რამდენიმე სკოლაში სასწავლო პროცესი ჩაიშალა - ნათია მანია

სადახლოს მეორე სკოლის პედაგოგის, ნათია მანიას ინფორმაციით, გუშინ „ქართულმა ოცნებამ“ სადახლოს 1-ლი,მე-2, თაზაკენდისა და მოლაოღლის საჯარო სკოლების მასწავლებლები და მოსწავლეები მოიწვია, რის გამოც სასწავლო პროცესი ჩაიშალა. ამის შესახებ მანიამ ფეისბუკის საკუთარ გვერდზე დაწერა, რასაც ფოტო- და ვიდეომასალაც დაურთო.

მისივე ნაამბობით, კონცერტზე შეკრებულებს მმართველი პარტიისთვის ხმის მიცემისკენ მოუწოდეს. მანიამ დაწერა, რომ სასწავლო პროცესის დროს სკოლის წარმომადგენლების მოწვევისა და დასწრების შესახებ განათლებისა და მეცნიერების სამინისტროს რესურცენტრითურთ არავითარი ინფორმაცია არ გააჩნია. მან აღნიშნა, რომ შეხვედრას ესწრებოდა განათლების, მეცნიერებისა და კულტურის კომიტეტის წევრი.

„დღეს, 4 ოქტომბერს, 11:00-ზე „ქართულმა ოცნებამ“ საარჩევნო შეხვედრაზე მოიწვია სადახლოს 1-ლი, სადახლოს მე-2, თაზაკენდისა და მოლაოღლის საჯარო სკოლების მასწავლებლები და მოსწავლეები.

ჩვენი სკოლის მე-12, მე-11, მე-10 კლასების მოსწავლეებსა და მე-9 კლასელების ნაწილს მესამე გაკვეთილის მერე მეცადინეობა აღარ ჩატარებიათ.

სადახლოს კლუბში არათუ დასაჯდომი, ფეხზე დასადგომი ადგილიც კი არსად იყო. უხუცესები, მასწავლებლები და გოგონები ისხდნენ. პარტიული აქტივისტები, სოფლის ბიჭები, ჭაბუკები და უმუშევარი შუახნის მამაკაცები ფეხზე იდგნენ.

შეხვედრა კონცერტით გაიხსნა. სცენაზე გამოდიოდნენ ადგილობრივი შემსრულებლები და დინამიკებიდან გაურკვეველი მიმდინარეობის სიმღერების გამაყრუებელი ხმა ისმოდა. მომღერლების უკან 41-ნომრიან ლურჯ ხალათებში ჩაცმული ათიოდე წლის ბავშვები ხუთჯვრიან და მუქ ლურჯ დროშებს აფრიალებდნენ.

ენერგიული წამყვანი შეძახილებით ცდილობდა მაყურებელთა აჟიტირებას.

ცოტა ხნის შემდეგ კედელთან მდგარი ხალხი შეავიწროვეს და დერეფანი გააკეთებინეს, რათა მარნეულელი დეპუტატები, გამგეობის წევრები და საარჩევნო სუბიექტობის კანდიდატები სცენაზე ასულიყვნენ. გამაყრუებელი სიმღერის ფონზე და თითქმის ერთსულოვანი ტაშის გრიალში „ქართული ოცნების“ დელეგაცია სცენაზე აბრძანდა. მალე მათ გვერდი დაუმშვენეს ადგილობრივმა დირექტორებმაც: 1-ლი სკოლისამ -მარჯვნიდან, ხოლო მე-2 სკოლისამ -მარცხნიდან.

დეპუტატებმა და გამგეობის წარმომადგენელმა დიდი მადლობა გადაუხადეს დამსწრეებს დარბაზის გავსებისა და მხარდაჭერისთვის. მათ აქეს ადგილობრივი, ანუ სადახლოსა და მარნეულის კანდიდატები, ხაზი გაუსვეს რა პირველის ახალგაზრდულ შემართებასა და მეორის გამოცდილებას. „ქართული ოცნების“ პარლამენტარმა და ადგილობრივი თვითმმართველობის წევრმა წარმომადგენლებმა იმედი გამოთქვეს, რომ სადახლოელები აუცილებლად გააკეთებენ სწორ არჩევანს, ანუ შემოხაზავენ 41-ს, რაც, მათი მტკიცებით, აუცილებლად იქნება პოზიტიური ცვლილებების საწინდარი მარნეულში.

ერთმანეთზე უგრძესი სიტყვები წარმოთქვეს სადახლოს 1-ლი და მე-2 სკოლის დირექტორებმა. მათ მოუწოდეს დამსწრე საზოგადოებას "ქართული ოცნების" მხარდაჭერისკენ და არ დაუშურებიათ ქება მათი წარმომადგენლების მისამართით. "ქართული ოცნების" ასეთი მხარდაჭერა განსაკუთრებით დასაფასებელია ადამიანებისგან, რომლებიც სულ რაღაც 5 წლის წინ, 2012 წელს, ასევე გულმხურვალედ უჭერდნენ მხარს ნაციონალურ პარტიას. მაგრამ დროება შეიცვალა. დირექტორებმა დაინახეს და აღიარეს აბსოლუტური ჭეშმარიტება გზისა, რომელსაც გვთავაზობს „ქართული ოცნება“.

მას შემდეგ, რაც სცენა დატოვა პარტიულმა დელეგაციამ, დარბაზმა ნელ-ნელა დაცლა დაიწყო. თუმცა არასრულწლოვანი ბიჭები და სრულწლოვანი ჭაბუკები დარჩნენ ელასტიკებში, კაბა-ჯემპრსა და თეთრი ხელოვნური ბეწვის მოკლე მოსაცმელში ჩაცმული საკმაოდ სექსუალური მოცეკვავე გოგონას საცქერლად, რომელმაც ჯერ მარტო, ხოლო შემდეგ დუეტში იმღერა.

ღონისძიებას იღებდა ორი ვიდეოკამერა.

სასკოლო მეცადინეობის დროს გამართულ ღონისძიებაზე სკოლის წარმომადგენლების მოწვევისა და დასწრების შესახებ განათლებისა და მეცნიერების სამინისტროს რესურცენტრითურთ არავითარი ინფორმაცია არ გააჩნია.

სამაგიეროდ, ინფორმაციას ამის შესახებ სრულად უნდა ფლობდნენ განათლების, მეცნიერებისა და კულტურის კომიტეტში, რადგან შეხვედრას ამ კომიტეტის ერთ-ერთი წევრი ესწრებოდა“, -დაწერა მანიამ.

ანა მებურიშვილი


ის, რომ საქართველო გახდა ევროპის საბჭოს თავმჯდომარე ქვეყანა სიმბოლური და ძალიან მნიშვნელოვანი ნაბიჯია ჩვენს ევროპულ გზაზე - ნათია თურნავა

14 დეკემბერი, 2019 , 14:00

ის, რომ საქართველო გახდა ევროპის საბჭოს თავმჯდომარე ქვეყანა სიმბოლური და ძალიან მნიშვნელოვანი ნაბიჯია ჩვენს ევროპულ გზაზე, - ამის შესახებ ეკონომიკისა და მდგრადი განვითარების მინისტრმა ნათია თურნავამ ტელეკომპანია „მ

მათ შორის არიან პიროვნებები, რომლებმაც შერჩევის პროცესის დროს არ აჩვენეს, რომ ისინი ფლობენ შესაბამის ცოდნას და დამოუკიდებლობას - ევროსაბჭოს საპარლამენტო ასამბლეის საქართველოს მონიტორინგის ჯგუფი

14 დეკემბერი, 2019 , 12:55

ევროსაბჭოს საპარლამენტო ასამბლეის საქართველოს მონიტორინგის ჯგუფი უზენაესი სასამართლოს მოსამართლეების დანიშვნასთან დაკავშირებით განცხადებას ავრცელებს. ოფიციალურ ვებგვერდზე განთავსებულ განცხადებაში აღნიშნულია, რომ ევროსაბჭ

გიორგი გახარიამ ბორის ჯონსონს საპარლამენტო არჩევნებში გამარჯვებას ულოცავს

14 დეკემბერი, 2019 , 12:15

გიორგი გახარია დიდი ბრიტანეთის პრემიერ-მინისტრ ბორის ჯონსონს საპარლამენტო არჩევნებში გამარჯვებას ულოცავს. ამის შესახებ საქარველოს პრემიერ-მინისტრმა, მიკრობლოგ „ტვიტერის“ პირად გვერდზე დაწერა. „ვულოცავთ

მზად ვართ, ყოველდღიურად ვიმუშაოთ, რომ საქართველო-უკრაინის სტრატეგიული პარტნიორობა ჩვენი მოქალაქეებისთვის კონკრეტული შედეგის მომტანი იყოს - გიორგი გახარია

13 დეკემბერი, 2019 , 18:00

ჩვენი თანამშრომლობა, დაფუძნებული ეკონომიკაზე, სტრატეგიულ პარტნიორობაზე, უსაფრთხოებაზე, ძირითად მიზნად ისახავს ჩვენი მოქალაქეების კეთილდღეობას და ასევე იმას, რომ ჩვენი ქვეყნები დარჩნენ ევროპული სივრცის ნაწილად, - ამის შეს

პარლამენტმა ეროვნული ბანკის 2020-2022 წლების ფულად-საკრედიტო და სავალუტო პოლიტიკის ძირითადი მიმართულებები დაამტკიცა

13 დეკემბერი, 2019 , 17:10

საქართველოს პარლამენტმა კენჭი უყარა და მხარი დაუჭირა საქართველოს პარლამენტის დადგენილების პროექტს "2020-2022 წლების ფულად-საკრედიტო და სავალუტო პოლიტიკის ძირითადი მიმართულებების" შესახებ, რომელიც საკანონმდებლო ორგანოში ე

ვახტანგ გომელაურმა ევროკავშირის სადამკვირვებლო მისიის ხელმძღვანელთან გამოსამშვიდობებელი შეხვედრა გამართა

13 დეკემბერი, 2019 , 16:05

შინაგან საქმეთა მინისტრმა, ვახტანგ გომელაურმა ევროკავშირის სადამკვირვებლო მისიის ხელმძღვანელთან, ერიკ ჰოგთან, რომელმაც საქართველოში მუშაობა დაასრულა, გამოსამშვიდობებელი შეხვედრა გამართა. ამის შესახებ „მედიანიუსს&ld

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`