უკან
რეგიონები
19 სექტემბერი, 2020 15:40
ქედის რამოდენიმე სოფელში მეწყერი ჩამოწვა
აჭარაში, ქედის მუნიციპალიტეტის რამოდენიმე სოფელში მეწყერი ჩამოწვა. ძლიერი წვიმის შედეგად ადიდებულია მდინარეები, წაღებულია ხიდები და დატბორილია საცხოვრებელი სახლები.
ამ დრომდე გარესამყაროსთან მოწყვეტილია რამდენიმე ოჯახი. მეწყრული და ღვარცოფული პროცესებია დოლოგანში, ზუნდაგაში, ბზუბზუში, ცხემნაში, დაბა ქედაში და ოქტომბერში.
ნახევარი საათის განმავლობაში ჩაკეტილი იყო ბათუმი-ახალციხის საავტომობილო გზის ზვარის მონაკვეთიც. ამ დროისთვის ადგილზე მოძრაობა ცალმხრივადაა შესაძლებელი.
ადგილზე მობილიზებულია ტექნიკა და ინტენსიურ რეჟიმში მიმდინარეობს გაწმენდითი სამუშაოები.