უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ქეთევან ციხელაშვილი ეუთოს საპარლამენტო ასამბლეის წარმომადგენლებს შეხვდა
შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ეუთოს საპარლამენტო ასამბლეის წარმომადგენლებს შეხვდა. ქეთევან ციხელაშვილმა შეხვედრა გამართა ეუთოს საპარლამენტო ასამბლეის სპეციალური წარმომადგენელთან სამხრეთ კავკასიაში კრისტიან ვიგენინთან, ეუთოს საპარლამენტო ასამბლეის აღმასრულებელი ოფისის ხელმძღვანელთან ადრეას ბეიკერთან და ეუთოს პოლიტიკის ოფისის უფროს ოფიცერთან ჯეიმს ოშეისთან.
ინფორმაციას შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ავრცელებს.
სახელმწიფო მინისტრმა სტუმრებს მიაწოდა ინფორმაცია საქართველოს ოკუპირებულ ტერიტორიებსა და გამყოფ ხაზებზე შექმნილ ვითარებაზე, განგრძობითი ოკუპაციის პირობებში არსებულ საფრთხეებზე, უსაფრთხოებისა და ჰუმანიტარულ გამოწვევებზე. შეხვედრაზე საუბარი შეეხო აფხაზეთისა და ცხინვალის რეგიონში ადამიანის უფლებების კუთხით არსებულ მდგომარეობას, ყურადღება გამახვილდა გალისა და ახალგორის რაიონებში შექმნილ ვითარებაზე.
შეხვედრაზე ქეთევან ციხელაშვილმა საქართველოს ხელისუფლების შერიგებისა და ჩართულობის პოლიტიკის პრიორიტეტებზე ისაუბრა. სახელმწიფო მინისტრმა აღნიშნა, რომ ამ პოლიტიკის მიზანია, დაეხმაროს ოკუპირებული რეგიონების მოსახლეობას იზოლაციისგან თავის დაღწევაში და გაუზიაროს მათ საქართველოს განვითარების ყველა სარგებელი, მათ შორის ევროინტეგრაციის პროცესიდან მომდინარე სიკეთეები.
„დღევანდელი ვიზიტი დასტურია იმისა, რომ ჩვენი პარტნიორების მხრიდან ინტერესი მაღალია. ეუთოს საპარლამენტო ასამბლეის წარმომადგენელთა ინტერესი და სურვილი, მიიღონ მაქსიმალური ინფორმაცია, შემდგომ ითარგმნება მყარ მხარდაჭერაში არა მხოლოდ ტერიტორიული მთლიანობის და სუვერენიტეტის, არამედ ჩვენი სამშვიდობო პოლიტიკის მიმართაც“, - განაცხადა ქეთევან ციხელაშვილმა.