უკან
კონფლიქტის ზონა
26 იანვარი, 2019 16:29
ქეთევან ციხელაშვილი საოკუპაციო რეჟიმების წარმომადგენლებს მიმოსვლის აღდგენისკენ მოუწოდებს
შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ოკუპირებულ ტერიტორიებზე ე.წ. საზღვრის ჩაკეტვით შექმნილ მდგომარეობას ეხმაურება.
სახელმწიფო მინისტრის განცხადებით, ამოქმედებულია ცხელი ხაზი და ქართული მხარე არც ერთ ზარს უყურადღებოდ არ ტოვებს.
ქეთევან ციხელაშვილი ყველა მხარეს ე.წ. საზღვრის გახსნისა და მიმოსვლის აღდგენისკენ მოუწოდებს.
უკვე მეთხუთმეტე დღეა ოკუპირებულ ტერიტორიებზე ე.წ. საზღვრის ჩაკეტვის გამო მოსახლეობას გადაადგილების შესაძლებლობა აქვს შეზღუდული.