უახლესი ამბები
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
რეგიონები
ქობულეთში „ლურჯი ვეშაპის“ თამაშში ჩართვის მცდელობაზე გამოძიება დაიწყო
შინაგან საქმეთა სამინისტრომ, აჭარაში, არასრულწლოვანის თვითმკვლელობამდე მიყვანის მუხლით საქმე აღძრა. საქმე „ლურჯი ვეშაპის“ თამაშის შეთავაზებას ეხება.
შსს-ს ინფორმაციით, გამოძიება განცხადების საფუძველზე დაიწყო. სავარაუდოდ, სამინისტროს გამოძიების მოთხოვნით არასრულწლოვანის ოჯახმა მიმართა.
საზოგადოებრივი მაუწყებლის აჭარის ტელევიზიის ინფორმაციით, შემთხვევა, ორი დღის წინ, ქობულეთში, სოფელ ლეღვას საჯარო სკოლაში მოხდა. როგორც მესამე კლასელის მშობლები ამბობდნენ, ბავშვს ტელეფონზე უცხო ნომრით ურეკავდნენ და "ლურჯი ვეშაპის" თამაშში ჩართვას აძალებდნენ. სკოლის პედაგოგებმა აჭარის ტელეიზიასთან განაცხადეს, რომ მოსწავლე მეორე დღეა სკოლაში არ დადის. როგორც მათ მშობლებმა შეატყობინეს, სკოლის გაცდენის მიზეზი ბავშვის დაკითხვაზე წაყვანაა.
შინაგან საქმეთა სამინისტრომ გამოძიება 115-ე მუხლი დაიწყო, რაც თვითმკვლელობამდე მიყვანას გულისხმობს და ისჯება თავისუფლების აღკვეთით ვადით ორიდან ოთხ წლამდე.
შეგახსენებთ, რომ აჭარაში, ხელვაჩაურში, 19 დეკემბერს 17 წლის ბიჭმა სანადირო თოფით, ორი ჭრილობა მიიყენა. ახლობლები და სკოლის დირექტორი ამის მიზეზად ინტერნეტთამაშს "ლურჯ ვეშაპს" ასახელებდნენ.
შსს-მ მაშინ მომხდარზე გამოძიება სსკ-ის 285-ე მუხლით დაიწყო, რაც კომპიუტერული მონაცემის ან კომპიუტერული სისტემის უკანონოდ გამოყენებას გულისხმობს და ისჯება თავისუფლების აღკვეთით ვადით სამ წლამდე.
ცირა გურგენიძე