უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
საზოგადოება
ქულათა სისტემით, უკონტაქტო პატრულირებითა და სანქციების გამკაცრებით შემცირდება გზებზე დაღუპულთა და დაზარალებულთა რიცხვი - დავით მესხიშვილი
ტრანსპორტისა და გზების ასოციაციის ხელმძღვანელის დავით მესხიშვილის განცხადებით, უკონტაქტო პატრულირებით, ქულათა სისტემითა და სხვა დარღვევებზე ჯარიმების გამკაცრებით შემცირდება ავტოსაგზაო შემთხვევებით დაღუპულთა და დაზარალებულთა რიცხვი.
მესხიშვილის თქმით, საქართველომ ლიტვისგან უნდა აიღოს მაგალითი მისი წარმატებული საგზაო მოძრაობის რეფორმების გამო.
„ლიტვა არის ერთ-ერთი წარმატებული მაგალითი საგზაო უსაფრთხოების თვალსაზრისით. მათ ევროპაში აჩვენეს ყველაზე მსხვილი კლება ავტოსაგზაო შემთხვევების. და ჩვენ, ბუნებრივია, მათ გამოცდილებას ძალიან დიდ მნიშვნელობას ვაქცევთ. ქულათა სისტემა, უკონტაქტო პატრულირება, სანქციების გამკაცრება სიჩქარის გადაჭარბებაზე და ნასვამი პირების მიმართ და ასე შემდეგ, იქნება მნიშვნელოვანი წინსვლა იმისთვის, რომ შევამციროთ ავტოსაგზაო შემთხვევები, დაღუპულთა და დაშავებულთა რაოდენობა", - განაცხადა დავით მესხიშვილმა ჟურნალისტებთან საუბრისას.
შეგახსენებთ, რომ დღეს იურიდიულ საკითხთა კომიტეტის სხდომაზე მეორე მოსმენით განიხილავენ ცვლილებებს საგზაო მოძრაობის შესახებ კანონში. საკანონმდებლო პაკეტი შეიცავს მართვის მომწობაზე 100-ქულიანი სისტემის ამოქმედებას, რომლის მიხედვით, სამართალდარღვევებისას ქულების 0-მდე შემცირების გამო მძღოლი მართვის მოწმობის გარეშე დარჩება, რომლის შემდეგ მას ხელახლა მოუწევს მართვის მოწმობის გამოცდის ჩაბარება. გარდა ამისა, განიხილავენ უკონტაქტო პატრულირების სისტემის შემოღებას.
ანა მებურიშვილი