უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
პოლიტიკა
„ქურდული სამყაროს“ წინააღმდეგ კანონპროექტის განხილვის დახურვა გამჭირვალობის პრინციპებს არღვევს - საია
„საქართველოს ახალგარზდა იურისტთა ასოციაციის“ შეფასებით, ადამიანის უფლებათა დაცვისა და სამოქალაქო ინტეგრაციის კომიტეტის დახურვა „ქურდული სამყაროს“ წინააღმდეგ კანონპროექტის განსახილველად გამჭირვალობის პრინციპებს არღვევს. ორგანიზაცია მიიჩნევს, რომ კანონშემოქმედებითი პროცესი უნდა იყოს გამჭვირვალე, ხოლო საზოგადოებას უნდა ჰქონდეს ინფორმაცია იმ მოტივაციისა და არგუმენტების შესახებ, რომელზე დაყრდნობითაც საკანონმდებლო ორგანო იღებს გადაწყვეტილებას
„საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი 13 მარტს განიხილავდა „ორგანიზებული დანაშაულისა და რეკეტის შესახებ“ საქართველოს კანონსა და სხვა თანმდევ საკანონმდებლო აქტებში შესატან ცვლილებებს. საკანონმდებლო პაკეტის მიზანს „ქურდული სამყაროს“ წინააღმდეგ ეფექტიანი ბრძოლისა და სრულფასოვანი მართლმსაჯულების განხორციელებისთვის ადეკვატური სისხლისსამართლებრივი ინსტრუმენტების ჩამოყალიბება წარმოადგენს.
საკანონმდებლო პაკეტზე, მომხსენებლის - შინაგან საქმეთა მინისტრის მოადგილის მოხსენების შემდეგ, მიღებული იყო საკომიტეტო მოსმენის დახურვის გადაწყვეტილება. ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მიერ გაკეთებული განმარტების თანახმად, სხდომის დახურვის მიზეზს ორგანიზებული დანაშაულის თაობაზე ინფორმაციის მოსმენა წარმოადგენდა, რასაც კავშირი ჰქონდა განსახილველ საკანონმდებლო პაკეტთან.
მიგვაჩნია, რომ კანონშემოქმედებითი პროცესი უნდა იყოს გამჭვირვალე და ინკლუზიური. ამასთან, მნიშვნელოვანია საზოგადოებას ჰქონდეს ინფორმაცია იმ მოტივაციისა და არგუმენტების შესახებ, რომელზე დაყრდნობითაც საკანონმდებლო ორგანო იღებს გადაწყვეტილებას. ისევე, როგორც ყველა დაინტერესებულ პირს უნდა გააჩნდეს შესაძლებლობა, უშუალოდ გახდეს კანონშემოქმედებითი პროცესის მონაწილე და ასეთი შესაძლებლობის არსებობისას დააფიქსიროს საკუთარი აზრი. ცხადია, როგორც კანონშემოქმედებითი საქმიანობისას, ასევე საზედამხედველო ფუნქციის შესრულებისას შესაძლებელია, არსებობდეს გარკვეული სენსიტიური ინფორმაციის დაცვის საჭიროება, თუმცა კანონშემოქმედებითი პროცესის ღიაობა უპირობოდ წარმოადგენს ისეთ მნიშვნელოვან ღირებულებას, რომელიც არ შეიძლება, გახდეს კომპრომისის საგანი.
აღსანიშნავია, რომ საქართველოს პარლამენტის რეგლამენტის დღეს მოქმედი რედაქცია განსაკუთრებული შემთხვევის არსებობისას ითვალისწინებს დახურული საკომიტეტო განხილვის ჩატარების შესაძლებლობას. ზემოთ დასახელებული შემთხვევა ცხადყოფს, რომ არსებული ნორმატიული შინაარსი იძლევა საკითხის გაუმართლებლად ფართო ინტერპრეტირების შესაძლებლობას. შესაბამისად, პარლამენტის რეგლამენტის რეფორმის ფარგლებში, მნიშვნელოვანია ცალსახად განისაზღვროს რომ დაუშვებელია კანონშემოქმედებითი საქმიანობისას საკომიტეტო და პლენარული სხდომების დახურულ ფორმატში წარმართვა. რაც შეეხება პარლამენტის საზედამხედველო საქმიანობას, ამ შემთხვევაში აუცილებელია, არსებობდეს გონივრული ბალანსი გამჭვირვალობასა და სენსიტიური ინფორმაციის დაცვას შორის. დამატებით, მნიშვნელოვანია რომ პარლამენტის რეგლამენტში ცვლილებების განხორციელებამდე საქართველოს პარლამენტმა თავი შეიკავოს კანონშემოქმედებითი საქმიანობის დახურულ ფორმატში წარმართვისგან“, - ნათქვამია განცხადებაში.