უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
საზოგადოება
ქუთაისში 30 წლამდე ახალგაზრდა გოგოების 80%-ს ოცნებად ჰქონდათ ქურდის ცოლები გამხდარიყვნენ - გიორგი ბარამიძე
ყოფილი შს მინისტრი გიორგი ბარამიძე, ხორავას ქუჩაზე მომხდარ ფაქტს ეხმაურება, რომლის შედეგადაც 51-ე სკოლის ორი მოსწავლე მოკლეს.
ბარამიძე კომენტარს აკეთებს 51-ე სკოლასთან გუშინ დადგმულ ბანერზე გაკეთებულ წარწერასთან დაკავშირებით, რომელზეც მეგობარმა გარდაცვლილ მოსწავლეს ,,ქურდი ლეო“ უწოდა.
,,ამ წარწერამ გამახსენა 2004 წლის დასაწყისში, ჩემი როგორც (ვარდების რევოლუციის პირველი) შსს მინისტრის სამუშაო მასალებში რომ ვნახე ერთერთი (აღარ მახსოვს რომელი) სოციოლოგიური სააგენტოს მიერ ჩატარებული კვლევის შედეგები, რომლის გაცნობისას მართლა გული გამისკდა და ვიფიქრე "ამაზე უარესი, ჩვენს საზოგადოებას კიდევ რა უბედურება უნდა დაგვემართოსთქო?". კვლევის მიხედვით (არ ვიცი რამდენად ობიექტური იყო) ქალაქ ქუთაისში 30 წლამდე ახალგაზრდა გოგოების 80%-ს ოცნებად ქონდათ ქურდის ცოლები გამხდარიყვნენ.
მართლა თავზარი დამეცა და ვიფიქრე თუ ჩვენმა მთავრობამ სასწრაფოდ რამე არ მოვიმოქმედეთ, ჩვენი ერის წინაშე მოუნანიებელ დანაშაულს და ცოდვას ჩავიდენდით. ეს ამბავი ცხადია პრეზიდენტს მოვუყევი და ჩემი ემოციაც და ბუნებრივია მოსაზრებები (სამოქმედო გეგმის მონახაზი) გავუზიარე. მიშასაც იგივე ემოცია და მოსაზრება რომ ქონდა არ გამკვირვებია. ცხადია მიშას და მის მთავრობას უამისოდაც ის დამოკიდებულება გვქონდა ქურდული სამყაროსადმი და ზოგადად კრიმინალისადმი რაც ყველამ მოგვიანებით დაინახა, მაგრამ ამის შემდეგ მალევე პრეზიდენტთან შეთანხმებით გავაჟღერე ის იდეა რაც დღეს უკვე საქართველოს კანონმდებლობაშია, რომლის ძალითაც "კანონიერი ქურდობის" (როგორც სტასუსის/წოდების) ღიად გაცხადება და კიდევ ბევრი სხვა კრიმინალური ქმედება სისხლის სამართლის კოდექსის ნორმებით საკმაოდ მკაცრად დასჯადი არის. ამის პარალელურად დავიწყეთ პოლიციის რეფორმაზე მუშაობა (რაც ვანომ ბრწყინვალედ გააგრძელა და განახორციელა) და ამ სამყაროსთან უკომპრომისო ბრძოლა, რომელმაც პირველივე თვეებში ქვეყანა გაათავისუფლა "კანონიერი ქურდების" და ყველაზე თავზეხელაღებული კრიმინალების უმეტესობისგან, ვინც ქვეყნის დატოვება მოასწრო საზღვარგარეთ გაიქცნენ და სხვებიკი გასამართლდა და ციხეში ჩაჯდა. იდეა და მთავარი ამოცანა ის იყო რომ როგორც კანონი დაცულიყო ასევე "კანონიერი ქურდობა" და კრიმინალური ავტორიტეტობა პრესტიჟული და მიმზიდველი ("კაი ტიპია" ეს ბიჭი) აღარ ყოფილიყო ჩვენს ახალგაზრდობაში და მთლიანად საზოგადოებაში.
ამ ბრძოლის წარმატებას ჩემს შემდეგაც მრავალი წელი და დიდი ძალისხმევა (მათ შორის ჩვენი მამაცი და გმირი პოლიციელების ჯანმრთელობა და სიცოცხლის შეწირვაცკი) დასჭირდა.
კრიმინალმა უკან დაიხია ციხეშიც და ჩვენი ქალაქების ქუჩებშიც, ხალხი მართლა უშიშრად დადიოდა თუნდაც ღამით ადრე ჩაბნელებულ და კრიმინალით სავსე ქალაქების უბნებსა და ქუჩებში. მეგონა ეს პრობლემა საშვილიშვილოდ მოგვარდა და კრიმინალური/ქურდული მენტალიტეტი ისტორიას ჩაბარდა, თუმცა ამ ბოლო პერიოდმა და განსაკუთრებით ტრაგიკულმა რამდენიმე დღემ გამოაჩინა, რომ ეს საშიში ბაცილა კვლავ ცოცხლობს ჩვენს საზოგადოებრივ აზროვნებაში და მის დამარცხებას (თუნდაც მინიმიზებას) მუდმივი და ეფექტიანი მუშაობა და თავდადებული ბრძოლა სჭირდება, ოღონდ ამისთვის ხელისუფლებაში ის ხალხი უნდა იყოს ვინც კრიმინალს კი არ მოყავს მთავრობაში, არამედ ვისაც მასთან უკმპრომისო ბრძოლის ნება აქვს. ასევე ამ სენის დასამარცხებლად ბუნებრივია საზოგადოების მონდომება და კონსოლიდაციაა საჭირო.
იმედი მაქვს ამ ბრძოლას მაინც საბოლოოდ მოვიგებთ და ეს საზოგადოების დამანგრეველი მენტალიტეტი მეტი ჩვენი შვილების ჯანმრთელობასა და სიცოცხლეს აღარ წაგვართმევს“, - წერს გიორგი ბარამიძე.