უკან

უახლესი ამბები

დღის კალენდარი

ანონსები

არქივი

რეგიონები

20 აპრილი, 2018 14:15
font-size

ქუთაისში სასურსათო ჯიხურების დადგმის გადაწყვეტილებას აზრთა სხვადასხვაობა მოყვა

ქუთაისის მერმა გადაწყვიტა ქუთაისში დააბრუნოს ე.წ. „ბუტკების“ ეპოქა და გასცა 16 ჯიხურის ჩადგმის ნებართვა- განაცხადა ნაციონალური მოძრაობის ქუთაისის რაიონული ორგანიზაციის თავმჯდომარემ გივი შუშანიამ დრეს გამართულ ბრიფინგზე.

შუშანიამ ქუთაისის მერიის გადაწყვეტილებებზე ისაუბრა და აღნიშნა, რომ მერიამ უკვე გასცა ქალაქში ჯიხურების ჩადგმის ნებართვა, სადაც მისივე ინფორმაციით, სურსათის გაყიდვა მოხდება.

ამასთან, როგორც ენმ-ს წევრი ამბობს, მერია ხვალ ჭავჭავაძის გამზირიდან გარემოვაჭრეების გაძევებას გეგმავს, იმ ადგილას კი, სადაც გარე ვაჭრობა მიმდინარეობს ჯიხურები ჩაიდგმება.

""ერთიან ნაციონალურ მოძრაობას" მიაჩნია, რომ ჯიხურების ეპოქა 90–იანი წლების გადმონაშთია, რომელიც დიდი ხანია დასრულდა და ჯიხურების ადგილი 21–ე საუკუნის საქართველოში არ არის.

ჯიხურების ნებართვა გაიცა შპს „მადლზე“, რომლის უკანაც პატრიოტთა ალიანსის აღმასრულებელ მდივანი გოჩა თევდორაძე დგას. ის ქართულ ოცნებასთან და სუს-თან ერთად აქტიურად მონაწილეობდა ბორჯომში საკრებულოს თავმჯდომარის გადაყენებაში და პატრიოტთა ალიანსის დახმარებით მოახერხა "ქართულმა ოცნებამ" უმრავლესობის ფორმირება. ეს პროცესები დროში საეჭვოდ ემთხვევა ერთმანეთს და ამიტომ მიგვაჩნია, რომ ეს გადაწყვეტილება არის ერთ–ერთი იმ ჯილდოთაგანი, რომელიც პატრიოტთა ალიანსმა და კონკრეტულად გოჩა თევდორაძემ მიიღო ქართული ოცნებისგან. 4 წელია ეს პრობლემა არ წამოწეულა და სწორედ ამ მოვლენებს დაემთხვა პროცესის ფორსირება.

მიგვაჩნია, რომ ეს გადაწყვეტილება პოლიტიკურად მოტივირებულია, რომელსაც ქალაქის და მოსახლეობის ინტერესები ეწირება,"-განაცხადა გივი შუშანიამ.

გივი შუშანიას განცხადებას იმის შესახებ, რომ ქუთაისში 16 ჯიხურის ჩადგმა იგეგმება, ქალაქის მერიაში უპასუხეს.

ფაქტს ქუთაისის მერიაში სასამართლოს გადაწყვეტილებას ხსნიან.

"საქართველოს უზენაესმა სასამართლომ ქუთაისის მერიას 2013 წელს გაცემული ნებართვის აღსრულება დაავალა. რომლის თანახმად 2013 წელს ქალაქის მერმა ხელი მოაწერა შპს "მადლთან" იჯარის ხელშეკრულებას, ე.წ ჯიხურების განთავსების თაობაზე. ამ ხნის განმავლობაში სასამართლოში მიმდინარეობდა დავა. უზენაესმა სასამართლომ გადაწყვეტილება "მადლის" სასარგებლოდ მიიღო.ქალაქის მერიას კი უმაღლესი სასამართლო ინსტანციის გადაწყვეტილების აღსრულება დაევალა,"-განაცხადეს ქუთაისის მერიაში.

საკითხთან დაკავშირებით მედიანიუსი ,,პატრიოთა ალიანსის“ წევრ, გოჩა თევდორაძესაც დაუკავშირდა.
თევდორაძე არ ადასტურებს არც ჯიხურების განთავსების გადაწყვეტილებასთან და არც ჯიხურების განთავსების ნებართვის მქონე შპს ,,მადლთან“ რაიმე კავშირს.

,,ვინ ოხერია შუშანია? შუშანიას როგორც კაცს ასეთს არ ვიცნობ. არავითარი კავშირი მე შპს ,,მადლთან“ არ მაქვს. თუ ვინმე რამეს დგამს, შეხედონ კანონიერად იდგმება ეს თუ არა და მერე ილაპარაკონ.

გეუბნებით, ამ შუშანიას როგორც კაცს, ადამიანს არ ვცნობ ასეთს. ქუთაისში ჩავდივარ ორ თვეში ერთხელ 2-3 დღით, ხან ამასაც ვერ ვახერხებ. რა შუაში ვარ ახლა მე ქუთაისთან?! ’’ - განუცხადა მედიანიუსს თევდორაძემ.

რაჭაში დაკარგული 21 წლის მამაკაცის პოვნა ამ დრომდე ვერ ხერხდება

19 თებერვალი, 2019 , 13:05

რაჭაში 21 წლის მამაკაცი ამ დრომდე დაკარგულად ითვლება. შოთა სამხარაძე კურორტ ონის ტერიტორიაზე 14 იანვრის ღამეს გაუჩინარდა. როგორც პირველ არხთან რაჭა-ლეჩხუმისა და ქვემო სვანეთის სახანძრო სამაშველო სამსახურის უფროსის მოვალე

ისრაელში აჭარის მიმართ ინტერესი იზრდება

18 თებერვალი, 2019 , 14:00

აჭარის ტურიზმის დეპარტამენტმა რეგიონის ტურისტული პროდუქტები თელავივის საერთაშორისო ტურისტულ გამოფენაზე „IMTM 2019“ წარადგინა. აღმოსავლეთ ხმელთაშუაზღვისპირეთში ერთ-ერთ ყველაზე მნიშვნელოვან ტურისტულ გამოფენაზე

შინაგან საქმეთა სამინისტრომ იმერეთისა და სამეგრელოს რეგიონებში სიჩქარის კონტროლის 8 ახალი სექცია აამოქმედა

18 თებერვალი, 2019 , 14:00

შინაგან საქმეთა სამინისტრო, საგზაო მოძრაობის უსაფრთხოების უზრუნველყოფის მიზნით, საქართველოს საავტომობილო გზებზე “ჭკვიანი” ვიდეოკამერების მონტაჟს განაგრძობს. მიმდინარე წელს მთელი საქართველოს მასშტაბით კიდევ 66

მარნეულის ცენტრში გაზგასამართი სადგური იწვის

18 თებერვალი, 2019 , 10:15

მარნეულის ცენტრში გაზგასამართი სადგური იწვის. ცეცხლი ჯერ სატვირთო ავტომობილს გაუჩნდა, რომელსაც ადგილზე ბუნებრივი აირით ტუმბავდნენ, შემდეგ კი სადგურს გადაედო. - ამის შესახებ ტელეკომპანია “რუსთავი2“ იტყობინება

ხანძარი თიანეთში - მოსახლეობის ნაწილს ელექტროენერგია არ მიეწოდება

18 თებერვალი, 2019 , 10:15

თიანეთში აბონენტების ნაწილს ელექტროენერგია არ მიეწოდება. მიზეზი ელექტროსადგურში, ერთ-ერთ ტრანსფორმატორზე გუშინ გაჩენილი ხანძარია.ამის შესახებ ტელეკომპანია “რუსთავი2“ იტყობინება. ცეცხლის ლოკალიზებას სახანძრო-ს

ანაკლიასა და განმუხურში ახალი სეზონისთვის ინფრასტრუქტურა განახლდება

16 თებერვალი, 2019 , 14:20

ანაკლია და განმუხური ახალ სეზონს განახლებული ინფრასტრუქტურით შეხვდება. ამის შესახებ „მედიანიუსს“ სამეგრელო-ზემო სვანეთის სახელმწიფო რწმუნებულის ადმინისტრაციიდან აცნობეს. უწყების ინფორმაციით, კურორტზე ზღვის სა