გუშინ ქუთაისში, თამარ მეფის ქუჩაზე მომხდარ ავარიას ერთი ადამიანი ემსხვერპლა.

"ფორდის" მარკის მსუბუქი ავტომობილი ბოძს დაეჯახა, რის შედეგადაც მძღოლი ადგილზე დაიღუპა, მასთან ერთად მჯდომი ქალბატონი კი დაშავდა.

დაზარალებული ქუთაისის სამხარეო კლინიკურ საავადმყოფოში გადაიყვანეს.

,,თამარ მეფის ქუჩაზე ავტომობილი შეჯახებული იყო განათების ბოძს. სამწუხაროდ, გვამი დაგვხვდა გაჭედილი. გამოვიყენეთ ჰიდრავლიკური საშუალებები და გადმოვიყვანეთ”, _განაცხადა ქუთაისის საგანგებო სიტუაციების მართვის სამსახურის თანამშრომელმა აკაკი ტყავაძემ.

ავტოავარიის სავარაუდო მიზეზად გადაჭარბებული სიჩქარე სახელდება.