უკან

უახლესი ამბები

დღის კალენდარი

ანონსები

არქივი

პოლიტიკა

19 ივნისი, 2019 19:13
font-size

ქვეყანას ეროვნული ხელისუფლება სჭირდება და მხოლოდ ამის შემდეგ დადგება ყველაფერი თავის ადგილზე - ნინო ბურჯანაძე

ქვეყანას ეროვნული ხელისუფლება სჭირდება და მხოლოდ ამის შემდეგ დადგება ყველაფერი თავის ადგილზე, - ამის შესახებ „ერთიანი საქართველო-დემოკრატიული მოძრაობის“ ლიდერმა ნინო ბურჯანაძემ განაცხადა.

„ერთიანი საქართველო-დემოკრატიული მოძრაობის“ მიერ გავრცელებული ინფორმაციით, ბურჯანაძემ აღნიშნა, რომ საქართველოს არაფერი ეტყობა, რომ ქვეყანას ხელისუფლება ჰყავს.

„ქვეყანაში, რომელსაც ტერიტორიების 20% აქვს დაკარგული, ქვეყანაში, სადაც მოსახლეობის 2/3 სიღარიბის ზღვარზეა, ქვეყანაში, სადაც 150 ათასი ბავშვი შიმშილობს, ქვეყანაში, სადაც 86%-ით არის გაზრდილი ევროპაში თავშესაფრის მთხოვნელთა რიცხვი, საზოგადოება დაკავებულია იმით, თუ ვინ რა თქვა, ვინ რა გააკეთა, ბიძინა ივანიშვილი ვისზე გაბრაზდა და რაც ძალიან საგულისხმოა, ვმსჯელობთ იმაზე, ჩატარდეს თუ არა „პრაიდი“. ეს არ არის ნორმალური, ეს არ არის სახელმწიფო და არაფერი გვეტყობა, რომ ქვეყანას ხელისუფლება ჰყავს“, - განაცხადა ბურჯანაძემ.

მან გაიხსენა პარლამენტის თავმჯდომარის თანამდებობაზე ყოფნის პერიოდი და პარალელი გაავლო არსებულ ვითარებასთან.

„როდესაც პარლამენტის თავმჯდომარე გახლდით, მაშინაც იდგა LGBT აღლუმის ჩატარების საკითხი. აქტიურობდნენ იგივე ადამიანები, ვინც დღეს LGBT-ს პროპაგანდით არიან დაკავებული, მაგრამ მაშინ მე მოვახერხე, რომ დამერეგულირებინა აღნიშნული პრობლემა, ისე, რომ არც ძალადობას ჰქონოდა ადგილი, არც კომბლები გამოეტანა ვინმეს, არც თავი გაეტეხათ უმცირესობის წარმომადგენლებისთვის და ამავე დროს, არც „პრაიდი“ ჩატარებულიყო და საერთოდ, ეს თემა ფართო საზოგადოებისთვის სამსჯავროზე არ გამოგვეტანა და კიდევ ერთი დაპირისპირების კერა არ შეგვექმნა. თუმცა, ეს რომ გააკეთო, ხელისუფლება დაკომპლექტებული უნდა იყოს ადამიანებით, ვისაც ქვეყანაზე გული შესტკივათ. ხელისუფლება იმაზე კი არ უნდა ფიქრობდეს, რომ ნებისმიერი თემა საზოგადოების დაპირისპირებისათვის გამოიყენოს და ამით შეინარჩუნოს ძალაუფლება, არამედ პატივი უნდა სცეს ქვეყნის ტრადიციებსა და ღირსებას.

ხელისუფლებაში მყოფი ადამიანებისათვის უმნიშვნელოვანესი უნდა იყოს ქვეყანაში სტაბილურობა. ხელისუფლებამ უნდა უზრუნველყოს, რომ მიუხედავად აბსოლუტურად განსხვავებული ხედვებისა, არ მოხდეს საზოგადოების დაპირისპირება. ერთმნიშნველოვნად შემიძლია განვაცხადო, რომ საქართველოში არ უნდა ჩატარდეს LGBT აღლუმი და არ უნდა დავუშვათ მათი ცხოვრების წესის პროპაგანდირება, თუმცა ამავდროულად, ხელისუფლება ვალდებულია, დაიცვას ნებისმიერი მოქალაქის უსაფრთხოება და უფლებები“, - აღნიშნა ბურჯანაძემ.

„ერთიანი საქართველო-დემოკრატიული მოძრაობის“ ინფორმაციით, ბურჯანაძემ ასევე განაცხადა, რომ ქვეყანას სჭირდება ეროვნული ხელისუფლება და მხოლოდ ამის შემდეგ ყველაფერი დადგება თავის ადგილზე, „კარგი ტრადიციებითა და პროგრესული იდეებით კი საქართველო სწრაფი ნაბიჯებით დაიწყებს სვლას ჯანსაღი ევროპული ღირებულებების დასანარეგად“.

საქართველოს პრემიერ-მინისტრი ბულგარეთის ტრანსპორტისა და კომუნიკაციების მინისტრს შეხვდა

22 ოქტომბერი, 2019 , 16:40

საქართველოს პრემიერ-მინისტრი გიორგი გახარია ბულგარეთის ტრანსპორტისა და კომუნიკაციების მინისტრ როსენ ჟელიაზკოვს შეხვდა. შეხვედრაზე საქართველოსა და ბულგარეთს შორის არსებული ეკონომიკური ურთიერთობები განიხილეს. აღინიშნა, რომ

სალომე ზურაბიშვილი იაპონიის იმპერატორის, ნარუჰიტოს ტახტზე ასვლის ცერემონიას დაესწრო

22 ოქტომბერი, 2019 , 16:40

საქართველოს პრეზიდენტი სალომე ზურაბიშვილი ქალიშვილთან ერთად ტოკიოში იაპონიის იმპერატორის, მისი უმაღლესობა ნარუჰიტოს ტახტზე ასვლის ცერემონიას დაესწრო. იაპონიამ 22 ოქტომბერი ეროვნულ დღესასწაულად გამოაცხადა. ცერემონიას ასევ

სალომე ზურაბიშვილი ავსტრიის პრეზიდენტს შეხვდა

22 ოქტომბერი, 2019 , 16:40

ტოკიოში სამუშაო ვიზიტის ფარგლებში, საქართველოს პრეზიდენტი სალომე ზურაბიშვილი ავსტრიის რესპუბლიკის პრეზიდენტს, ალექსანდერ ვან დერ ბელლენს შეხვდა. საქართველოს პრეზიდენტის პრესსამსახურის ინფორმაციით, სალომე ზურაბიშვილმა ავს

გვჯერა, რომ ჩვენ ქართველებს ეს ფორუმი დაგვეხმარება უფრო კარგად შევასრულოთ ჩვენი მისია - გიორგი გახარია

22 ოქტომბერი, 2019 , 13:00

საქართველოს პრემიერ-მინისტრმა გიორგი გახარიამ, „აბრეშუმის გზის ფორუმი“ სიტყვით გამოსვლით გახსნა. პრემიერ-მინისტრმა ფორუმის მნიშვნელობაზე ისაუბრა და განაცხადა, რომ ეს არის ეფექტიანი პლატფორმა, სადაც აბრეშუმის

თავდაცვის მინისტრმა ლატვიის ელჩს უმასპინძლა

22 ოქტომბერი, 2019 , 13:00

საქართველოს თავდაცვის მინისტრმა ლატვიის რესპუბლიკის ელჩთან გაცნობითი ხასიათის შეხვედრა გამართა. ირაკლი ღარიბაშვილმა ინგრიდა ლევრენესს საქართველოს სუვერენიტეტის, ტერიტორიული მთლიანობისა და ევროატლანტიკურ სტრუქტურებში ინტე

საქართველოსა და რეგიონში არსებული უსაფრთხოების გარემო - სუს-ის უფროსი ნატო-ს სამეკავშირეო ოფისის ხელმძღვანელს შეხვდა

22 ოქტომბერი, 2019 , 10:35

სახელმწიფო უსაფრთხოების სამსახურის უფროსმა, გრიგოლ ლილუაშვილმა საქართველოში ნატო-ს სამეკავშირეო ოფისის ხელმძღვანელთან, როზარია პულისისთან შეხვედრა გამართა. შეხვედრას ესწრებოდა სახელმწიფო უსაფრთხოების სამსახურის უფროსის მ