უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
არქივი
ეკონომიკა
ქვეყანაში არსებული დესტრუქციული ძალები ეწინააღმდეგებიან ყველა ენერგეტიკული პროექტის განხორციელებას - კახა კალაძე
საქართველოს ვიცე-პრემიერი, ენერგეტიკის მინისტრი კახა კალაძე, სოფელ მუგუდაში ელექტროგადამცემი ხაზების მშენებლობით გამოწვეულ აქციებს გამოეხმაურა.
როგორც კალაძემ სპეციალურ ბრიფინგზე აღნიშნა, ქვეყანაში არსებული გარკვეული დესტრუქციული ძალები ეწინააღმდეგებიან არა მხოლოდ ელექტროგადამცემი ხაზების მშენებლობას, არამედ ქვეყანაში ყველა ენერგეტიკული პროექტის განხორციელებას.
მინისტრის თქმით, „ საქართევლოს მთავრობამ ენერგეტიკული განვითარების 10 წლიანი გეგმა დაამტკიცა, რომელიც ითვალისწინებს ქვეყანაში ელექტროგადამცემი ხაზების, ქვესადგურების მშენებლობა- რაებილიტაციას“.
ვიცეპრემიერმა ყურადღება ამ პროექტის ფარგლ;ებში დაწყებულ ქსანი-სტეფანწმინდაში მაღალი ელექტროგადამცემი 500 კილოვოლტიანი ხაზების მშენებლობის პროექტს.
„ამ კონკრეტულ პროექტთან დაკავშირებით, გარკვეული დესტრუქციული ძალები, ეწინააღმდეგებიან არამხოლოდ ელექტროგადამცემი ხაზების მშენებლობას, არამედ, ზოგადად, ქვეყანაში ყველა ენერგეტიკული პროექტის განხორციელებას. ეს გახლავთ ადამიანები, ვინც ეწინააღმდეგება ქვეყნის ეკონომიკურ განვითარებას, ქვეყნის ენერგეტიკულ განვითარებას.
ბოლო კვირეების განმავლობაში ვისმენთ ამ ადამიანების მხრიდან ცილისმწამებლურ განცხადებებს. ისინი ყველანაირად ცდილობენ თავიანთი დეზინფორმაციით ადგილობრივი მოსახლეობა და ჩვენი ქვეყნის მოქალაქეები შეიყვანონ შეცდომაში.
ჩვენ ვისმენთ განცხადებებს, თითქოს ეს ხაზები საშიშია ჯანმრთელობისთვის, იწვევეს მეწყერს, ვაზიანებთ გარემოს, ვაუბედურებთ ოჯახებს და ასე შემდეგ.
თუმცა, ეს ყველაფერიც არ იკმარეს და ბოლო ორი დღის განმავლობაში გვაბრალებენ ბარბაროსულ და ვანდალურ ქმედებებს. თითქოს ჩვენ მოვთხარეთ საფლავები, ამოვყარეთ მიცვალებულები და მათ შეურაცხყოფა მივაყენეთ. ეს არის ძალიან დიდი ტყუილი და სიცრუე.
მინდა დაგანახოთ ამ დესტრუქციული ძალების რეალური სახე. ალბათ, ბევრმა ჩვენმა თანამოქალაქემ იხილა კადრები,როდესაც სოფელ მუგუდაში მიმდინარეობდა სამშენებლო სამუშაოები, და ერთ-ერთი ქალბატონი ტიროდა თავის გარდაცვლილ შვილს და ამბობდა,რომ თითქოს ჩვენ მისი შვილის საფლავის გათხრა დავიწყეთ.
ამ ქალბატონმა გუშინ გააკეთა განცხადება. ეს ქალბატონი გახლავთ ნინო წიკლაური, მას შვილი ჰყავს დაღუპული აფხაზეთის ომში და კიდევ ერთხელ გულწრფელად მინდა მივუსამძიმრო და ვიზიარებ ამ ქალბატონის მწუხარებას. კარგად მესმის, თუ რამდენად მძიმეა დედისთვის შვილის სიკვდილი, რადგან მეც შვილმკვდარი დედა მყავს ოჯახში.
მინდა, დაგანახოთ თუ როგორ იყენებენ ეს დესტრუქციული ძალები ასეთი ადამიანებს პირადი ზრახვებისთვის. ეს არის ამორალური, უზნეო საქციელი ამ დესტრუქციული ძალების მხრიდან.
ჩვენ, დავარწმუნეთ მოსახლეობა, რომ ჩვენ არანაირ საფლავებს არ ვთხრით. და რაც მნიშვნელოვანია, ეს ქალბატონი, ნინო წიკლაური, რომელიც იმყოფებოდა სოფელ მუგუდაში და აცხადებდა რომ მისი შვილის სწორედ ამ სოფელშია დამარხული, რეალურად ცხოვრობს სოფელ ხანდოში და მისი გარდაცვლილი შვილი არის სწორედ ამ სოფელში დამარხული.
მინდა დავარწმუნო როგორც ადგილობრივი მოსახლეობა, ასევე ჩვენი ქვეყნის მოქალაქეები, რომ არც ერთი ნაბიჯი გადადგმული ჩვენი ხელისუფლების მიერ არ ყოფილა მიმართული ვინმეს საზიანოდ და ეს ასე იქნება მომავალში. მშენებლობა არის სახელმწიფოსთვის სასარგებლო, ეს არის დამოუკიდებელი და ეკონომიკურად წელში გამართული ქვეყნისკენ სავალი გზის ერთ-ერთი ეტაპი მიუხედავად გარე თუ შიდა მტრებისა, ჩვენ ჩვენი ქვეყნის მოსახლეობის საკეთილდღეოთ ვმუშაობთ და ვიმუშავებთ ყოველთვის“,-განაცხადა კახა კალაძემ.
მონიკა დავლიანიძე