საზოგადოება

ქვეყნის მასშტაბით ბოლო 3 თვეში სამუშაოების შესრულებისას 11 მუშა დაიღუპა

საქართველოს პროფკავშირები ხელისუფლებას მოუწოდებენ, პრევენციის მიზნით, საწარმოებში უსაფრთხოების ნორმები მეტად იყოს დაცული.

„ადგილი ჰქონდა უსაფრთხოების წესების დარღვევას იმ უბანზე, სადაც მიმდინარეობდა სამუშაოები. გვირაბის კედლები და ჭერი არ იყო გამაგრებული და სწორედ ამან გამოიწვია გვირაბის კედლის ჩამოშლა ანუ სამთო მასის დარტყმა. აუცილებელია, რომ უფრო მეტი პრევენციული ღონისძიებები განხორცილდეს ზოგადად ქვეყანაში და განსაკუთრებით მომეტებული საფრთხის შემცველ საწარმოებში“,- განაცხადა პროფკავშირების შრომის ინსპექტორმა ნიკა კაკაშვილმა.

შგახსენებთ, რომ 26 მარტს, დაახლოებით 05:00 საათზე უბედური შემთხვევა მოხდა ჭიათურის შუქრუთის მაღაროზე, სადაც მაღაროს ჩამონგრევის შედეგად გვირაბგამყვანის პოზიციაზე მომუშავე 45 წლამდე ზაზა აბრამიშვილი ნანგრევების ქვეშ მოყვა და გარდაიცვალა.

გამოძიება შსს-მ 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

ქვენის მასშტაბით ბოლო 3 თვეში ეს უკვე მე-11 შემთხვევა როდესაც სამუშაოების შესრულების დროს მუშა დაიღუპა.

პროფკავშირების ინფორმაციით, საქართველოში, ბოლო 10 წლის განმავლობაში, საწარმოო ტრავმით, დაახლოებით, 400-ზე მუშა გარდაიცვალა, ხოლო 700-ზე მეტი დასახიჩრდა.

ცირა გურგენიძე