უკან

უახლესი ამბები

დღის კალენდარი

ანონსები

არქივი

პოლიტიკა

13 სექტემბერი, 2017 15:40
font-size

ქვეყნის მასშტაბით მერობის 15 დამოუკიდებელი კანდიდატი დარეგისტრირდა

ცენტრალური საარჩევნო კომისიის მონაცემებით, ქვეყნის მასშტაბით მერობის 15 დამოუკიდებელი კანდიდატი დარეგისტრირდა. თბილისის, დმანისის, ასპინძის, ოზურგეთის, ხაშურის, გურჯაანის, თეთრიწყაროს, გორის, ადიგენის, ნინოწმინდის, ცაგერის, მესტიის, ზესტაფონისა და ზუგდიდის მუნიციპალიტეტების მერობისთვის, პოლიტიკური პარტიების კანდიდატებთან ერთად, დამოუკიდებელი კანდიდატებიც იბრძოლებენ.

დამოუკიდებელი კანდიდატებიდან ორი მოქმედი გამგებელია – დმანისის გამგებელი გოგი ბარბაქაძე და ასპინძის გამგებელი ლევან ცაბაძე. ისინი ამავე მუნიციპალიტეტების მერობის კანდიდატებად საინიციატივო ჯგუფებმა წარადგინეს.

ოზურგეთის მერად დამოუკიდებლად იყრის, ასევე, კენჭს “ქართული ოცნების” ყოფილი გამგებელი კონსტანტინე შარაშენიძეც.

მერობის ორი დამოუკიდებელი კანდიდატი დარეგისტრირდა ხაშურშიც – რამაზ ნოზაძე და ილია კაპანაძე. რამაზ ნოზაძე 2016 წლის საპარლამენტო არჩევნებში “პატრიოტთა ალიანსიდან” მაჟორიტარ კანდიდატად იყო წარდგენილი და ის ხმათა რაოდენობით მეოთხე ადგილზე გავიდა, თუმცა, ამჯერად მერობის კანდიდატად ის საინიციატივო ჯგუფმა წარადგინა. რაც შეეხება ილია კაპანაძეს, ის ხაშურის საკრებულოს მოქმედი წევრია.

მერობის დამოუკიდებელი კანდიდატი დარეგისტრირდა გურჯაანშიც. მიხეილ ფურცელაძე “ქართული ოცნების” აქტიური მხარდამჭერი იყო, თუმცა, droa.ge-ს ინფორმაციით, მას მოქმედ გამგებელთან აქვს კონფლიქტი.

თეთრიწყაროში დამოუკიდებელ კანდიდატად დარეგისტრირდა რესპუბლიკური პარტიის ყოფილი წევრი ვაჟა გაბიდაური, რომელიც საკრებულოს მოქმედი წევრია. ის საკრებულოში 2014 წლის თვითმმართველობის არჩევნებზე კოალიცია “ქართული ოცნების” სიით მოხვდა. 2016 წლის საპარლამენტო არჩევნებზე კი გაბიდაური რესპუბლიკური პარტიის საარჩევნო სიაში იყო.

გორში მერობის დამოუკიდებელ კანდიდატად დარეგისტრირდა რეგიონული ტელეკომპანია “თრიალეთის” მფლობელი ბადრი ნანეტაშვილი. წარსულში ნანეტაშვილს სახელმწიფო უწყებებში სხვადასხვა თანამდებობა ეკავა.

მერობის დამოუკიდებელი დეპუტატობის კანდიდატი ჰყავს ადიგენსაც. მინდია ჯელია ჯერ კიდევ წლის დასაწყისში ადიგენის მუნიციპალიტეტის გამგებლის პირველი მოადგილე იყო. გავრცელებული ინფორმაციით, 2017 წლის თებერვალში ის გამგებელთან კონფლიქტის გამო გაათავისუფლეს.

ნინოწმინდაში მერობის დამოუკიდებელ კანდიდატად კენჭს ანდრანიკ კარსლიანი იყრის. ცაგერში – ალუდა კვირიკაშვილი, რომელიც ამჟამად ცაგერის მუნიციპალიტეტის გამგებლის მოადგილეა.

მესტიაში მერობისთვის დამოუკიდებლად იბრძოლებს მალხაზ უდესიანი, რომელიც მესტიის მთის კურორტების განვითარების კომპანიის დირექტორია.

ზესტაფონში მერობის კანდიდატად საინიციატივო ჯგუფმა გიორგი გოგლიჩიძე წარადგინა. გოგლიჩიძე 2006-2010 წლებში ზესტაფონის მუნიციპალიტეტის საკრებულოს წევრი იყო. 2008 წელს ამავე მუნიციპალიტეტში ლეიბორისტულმა პარტიამ ის საქართველოს პარლამენტის მაჟორიტარი დეპუტატობის კანდიდატად წარადგინა. 2011 წელს გოგლიჩიძე დააპატიმრეს, თუმცა, მას 2012 წლის 5 დეკემბერს პარლამენტის მიერ პოლიტიკური ნიშნით დაპატიმრებული პირის სტატუსი მიენიჭა. გოგლიჩიძე 2010 წლამდე “ლეიბორისტული პარტიის” წევრი იყო. ამჟამად კი უპარტიოა. გავრცელებული ინფორმაციით, ის 2017 წლის ადგილობრივი თვითმმართველობის არჩევნებზე “ქართული ოცნების” მერობის კანდიდატადაც მოიაზრებოდა.

ზუგდიდში მერობისთვის დამოუკიდებლად იბრძოლებს ზვიად სიჭინავა. სიჭინავა 2009-2015 წლებში საქართველოს ფეხბურთის ფედერაციის პრეზიდენტი იყო. მანამდე, 1991-94 წლებში, მუშაობდა კომპანია „დიდ მიზანში“ დირექტორის მოადგილედ. 1995-2005 წლებში მოსკოვის ტერეზა დუროვას სახელობის სახელმწიფო თეატრის გენერალური დირექტორი იყო, 2005-06 წლებში კი – კომპანია „რუსული რესტავრაციის“ ფინანსური დირექტორი. 2006 წლიდან საფეხბურთო კლუბ ზუგდიდის „ბაიას“ პრეზიდენტია.

დამოუკიდებელი კანდიდატი ჰყავს თბილისსაც. დედაქალაქის მერობისთვის ალექსანდრე ელისაშვილი იბრძოლებს. ელისაშვილი თბილისის საკრებულოს მოქმედი წევრია. მან 2014 წლის ადგილობრივი თვითმმართველობის არჩევნებზე საბურთალოს მაჟორიტარულ ოლქში, როგორც დამოუკიდებელმა კანდიდატმა, გაიმარჯვა. მანამდე ელისაშვილი წლების განმავლობაში ტელეკომპანია “კავკასიაში” მუშაობდა.

წყარო: droa.ge

მიუხედავად დაბრკოლებებისა, სლოვაკეთის მსგავსად, ჩვენ ვაგრძელებთ გზას ევროპისკენ - თავისუფლებისა და დემოკრატიისკენ - მიხეილ ჯანელიძე

18 ნოემბერი, 2017 , 14:15

სლოვაკეთის ხავერდოვანი რევოლუციის 28-ე წლისთის აღსანიშნავად გამართულ ღონისძიებაზე მოწვეულ სტუმრებს, მისასალმებელი სიტყვით მიმართეს საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ და საქართველოში სლ

არ შეინიშნება ფასების ზრდა, მათ შორის არც ადგილობრივ პროდუქციაზე - ლევან დავითაშვილი

18 ნოემბერი, 2017 , 12:50

ლარის გაუფასურება ფასებთან პირდაპირ ბმაში არ არის, - განაცხადა სოფლის მეურნეობის მინისტრმა ლევან დავითაშვილმა. "ლარის გაუფასურება ფასებთან ბმაში პირდაპირ არ არის. საუბარია ამ შემთხვევაში ინფლაციის ტემპზე და ინფლაციის ტემ

დასაწყისში ხაზი გავუსვი რაც ხდება ოკუპირებულ ტერიტორიებზე, რომ ეს არის საქართველოს სუვერენიტეტის ხელყოფა - ზურაბ აბაშიძე

18 ნოემბერი, 2017 , 12:50

პრემიერ-მინისტრის სპეციალურმა წარმომადგენელმა, ზურაბ აბაშიძემ საქართველოს ტერიტორიების მიტაცების ფაქტები რუს კოლეგასთან შეხვედრაზე გააპროტესტა. როგორც აბაშიძემ ჟურნალისტებს თბილისის საერთაშორისო აეროპორტში პრაღიდან დაბრუ

საქართველო და უკრაინა კონცენტრირებული არიან რეფორმებზე - იენს სტოლტენბერგი

18 ნოემბერი, 2017 , 11:25

ჩრდილოატლანტიკური ალიანსი განაგრძობს ღია კარის პოლიტიკას და მზად არის ახალი წევრების მისაღებად, - განაცხადა ნატო-ს გენერალურმა მდივანმა იენს სტოლტენგერგმა კანადაში ვიზიტისას, რომლის ციტატასაც ,,უკინფორმი“ ავრცელებს

მთავრობის განახლებულ შემადგენლობას პარლამენტი დეკემბრის ბოლოს ან იანვარში დაამტკიცებს

18 ნოემბერი, 2017 , 10:44

პარლამენტის თავმჯდომარე, ირაკლი კობახიძე ვარაუდობს, რომ მთავრობის განახლებულ შემადგენლობას პარლამენტი დეკემბრის ბოლოს, ან იანვარში დაამტკიცებს. კობახიძის განცხადებით, შესაბამისი კანონპროექტი პარლამენტში დაახლოებით ერთ კვ

ბექა დავითულიანი: მიუხედავად იმისა, გსურთ ეს თუ არა ეს, თბილისი აუცილებლად გახდება სიცოცხლით სავსე ქალაქი

17 ნოემბერი, 2017 , 22:54

თბილისის საკრებულოს ფრაქციის “ ქართული ოცნება დემოკრატიული საქართველოსთვის“ თავმჯდომარემ ბექა დავითულიანმა საკრებულოს დღევანდელ სხდომაზე განაცხადა, რომ პარტია „ნაციონალური მოძრაობის“ წევრებს განვლ