უკან

ეკონომიკა

19 იანვარი, 2019 15:38
font-size

ქვემო ქართლის მეწარმეებს გავაცანით შესაძლებლობები, რომელიც მათთვის ევროკავშირთან თავისუფალი ვაჭრობის შეთანხმებას მოაქვს - გენადი არველაძე

საქართველოში ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) მიმდინარეობას შეეხებოდა შეხვედრა, რომელშიც ეკონომიკისა და მდგრადი განვითარების მინისტრის მოადგილე გენადი არველაძემ მიიღო მონაწილეობა.

შეხვედრა ქვემო ქართლში, ქალაქ რუსთავში ეკონომიკისა და მდგრადი განვითარების სამინისტროს ორგანიზებით, ქვემო ქართლის სამხარეო რწმუნებული აპარატისა და სავაჭრო-სამრეწველო პალატის მხარდაჭერითა და ევროკავშირის პროექტის "ასოცირების შესახებ შეთანხმების განხორციელება საქართველოში" (Facility for the Implementation of the Association Agreement in Georgia) დაფინანსებით გაიმართა.

„ქვემო ქართლის მხარეში მოღვაწე ბიზნესმენებს მივაწოდეთ ინფორმაცია DCFTA -ს შესახებ მიმდინარე და დაგეგმილ რეფორმებზე, ასევე იმ გამოწვევებზე, რომლებიც გვექნება საქართველოს ნორმატიული ბაზის ევრორეგულაციებთან დაახლოების მიმართულებით. მსგავსი დიალოგი საქმიან წრეებთან არის ძალიან მნიშვნელოვანი, რადგან ხელს უწყობს იმ სირთულეების აღმოფხვრას, რაც შეიძლება წარმოიშვას ახალი ევრორეგულაციების საქართველოში დანერგვის მიმართულებით. გარდა ამისა, ჩვენ მათ ის შესაძლებლობებიც გავაცანით, რაც მოაქვს აღნიშნულ შეთანხმებას ბიზნესისთვის, მათ შორის, პროდუქციის მაღალი სტანდარტითა და უსაფრთხოდ წარმოების შემთხვევაში ევროკავშირის ბაზარზე განთავსებისას,“ - განაცხადა ეკონომიკისა და მდგრადი განვითარების მინისტრის მოადგილე გენადი არველაძემ.

ეკონომიკისა და მდგრადი განვითარების მინისტრის მოადგილემ მეწარმეებს გააცნო საქართველოსა და ევროკავშირის სავაჭრო სტატისტიკა, რომლის თანახმადაც საქართველოდან ევროკავშირის ქვეყნებში ექსპორტის რეკორდული მაჩვენებელი დაფიქსირდა. კერძოდ, 2018 წელს საქართველოდან აღნიშნულ ბაზარზე 730,3 მლნ აშშ დოლარის ექსპორტი განახორციელა, რაც 11,5 პროცენტით აღემატება წინა წლის ანალოგიურ მაჩვენებელს და ქვეყნის მთლიანი ექსპორტის 21,7 პროცენტს შეადგენს.

„თავისუფალი ვაჭრობის შეთანხმებამ ქართველ მეწარმეებს გაუხსნა გზა ევროკავშირის ქვეყნებისკენ. ამ შესაძლებლობას ყოველწლიურად მეტი და მეტი ქართველი მწარმოებელი იყენებს, რაც ექსპორტის მაჩვენებელზე პოზიტიური დინამიკით აისახება. ევროკავშირი ქართული პროდუქციისთვის არის არა მხოლოდ მაღალშემოსავლიანი, არამედ, რაც არანაკლებ მნიშვნელოვანია, სტაბილური ბაზარი.

დარწმუნებული ვარ, პოტენციალი ორმხრივ ვაჭრობაში ძალიან დიდია,“ - განაცხადა გენადი არველაძემ.

შეხვედრაზე ასევე განიხილეს საქართველოსა და ევროკავშირის შორის ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) შესრულების პროცესში განსაზღვრული შეღავათიანი სავაჭრო პირობებით სარგებლობის საკითხები.

გენადი არველაძის გარდა, შეხვედრაში ასევე მიიღეს მონაწილეობა სავაჭრო-სამრეწველო პალატის პრეზიდენტმა ნინო ჩიქოვანმა და სხვა ოფიციალურმა პირებმა.

სწრაფად უნდა დაიწყოს დავით გარეჯის აღდგენა და ასევე სასწრაფოდ უნდა შევუდგეთ საზღვრის დადგენის საკითხს - სალომე ზურაბიშვილი

20 აპრილი, 2019 , 16:45

საქართველოს პრეზიდენტმა, ევროპა ნოსტრას ჯგუფთან ერთად, დავით გარეჯის სამონასტრო კომპლექსი დაათვალიერა. ამის შესახებ მან ვიდეომასალა ფეისბუკის საკუთარ გვერდზე გაავრცელა. „აქ ყველაფერში ჩანს, რომ აუცილებელია, ძალიან

ბერძნული ავიაკომპანია თბილისის მიმართულებით სეზონურ ფრენებს შეასრულებს

19 აპრილი, 2019 , 15:05

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანებასა“ და ბერძნულ ავიაკომპანია ELLINAIR-ს შორის მოლაპარაკებების წარმატებით დასრულების შედეგად, მაისიდან განახლდება სეზონური რეი

ევროკავშირში ექსპორტი შემცირდა, დსთ-ის ქვეყნებში კი, გაიზარდა

19 აპრილი, 2019 , 13:30

საქართველოდან ევროკავშირის ქვეყნებში, 2019 წლის იანვარ-მარტში, 196.0 მლნ აშშ დოლარის ექსპორტი განხორციელდა, რაც 6.4 პროცენტით ნაკლებია წინა წლის შესაბამის მაჩვენებელზე და ქვეყნის მთლიანი ექსპორტის 23.7 პროცენტს შეადგენს.

საქართველოში იმპორტი 4.7 პროცენტით შემცირდა

19 აპრილი, 2019 , 13:30

საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე), 2019 წლის იანვარ-მარტში, 2 807.3 მლნ. აშშ დოლარი შეადგინა, რაც წინა წლის შესაბამის მაჩვენებელზე 0.1 პროცენტით ნაკლებია. საქსტატის ინფორმაც

საქართველოს ეროვნული ბანკისა და მსოფლიოს ბანკის ორგანიზებით, სპეციალიზებული დეპოზიტარის ფონდის მართვის შესახებ სამუშაო შეხვედრა გაიმართა

19 აპრილი, 2019 , 10:27

საქართველოს ეროვნული ბანკის ორგანიზებით სპეციალიზებული დეპოზიტარის ფონდის მართვის თემაზე სამუშაო შეხვედრა გაიმართა. ღონისძიება ევროკავშირისა და მსოფლიო ბანკის ერთობლივი პროექტის ფარგლებში ჩატარდა და მიზნად ისახავს ბაზრის

მივესალმებით კვიპროსთან ურთიერთობის გაღრმავებას ყველა სექტორში - გიორგი ქობულია

18 აპრილი, 2019 , 14:15

ღრმად ვარ დარწმუნებული, რომ საქართველო-კვიპროსის ბიზნესფორუმი მნიშვნელოვნად შეუწყობს ხელს ჩვენი ბიზნესწრეების დაახლოებას, - ამის შესახებ ეკონომიკისა და მდგრადი განვითარების მინისტრმა გიორგი ქობულიამ საქართველო-კვიპროსის

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019