პოლიტიკა

რა თქმა უნდა, რუსეთი წარმოადგენს საფრთხეს - დავით სუჯაშვილი პარლამენტში გამართული დახურული სხდომის შესახებ

საქართველოს სახელმწიფო დაზვერვის სამსახურის უფროსის, დავით სუჯაშვილის განცხადებით, დღეს თავდაცვისა და უშიშროების საპარლამენტო კომიტეტის დახურულ სხდომაზე საინფორმაციო ბრიფინგი გაიმართა, „რომელიც მოიცავდა დაზვერვის სამსახურის ხედვას საერთაშორისო სივრცეში მიმდინარე პროცესებთან დაკავშირებით“.

კითხვაზე, დასახელებული იყო თუ არა კონკრეტული ქვეყანა, რომლისგანაც საფრთხე მომდინარეობს, სუჯაშვილმა თქვა, რომ ის ბევრ ქვეყანას შეეხო. ერთ-ერთი მათგანი რუსეთი იყო.

„რა თქმა უნდა, რუსეთი წარმოადგენს საფრთხეს“, - დაუდასტურა ჟურნალისტებს სუჯაშვილმა.

რაც შეეხება განცხადებას, რომ საქართველოსთვის მთავარ საფრთხეს წარმოადგენს თურქეთი, სუჯაშვილმა განაცხადა, რომ თურქეთი არის საქართველოს პარტნიორი ქვეყანა.