უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
რადიო „თავისუფლების“ ქართული სამსახურის ხელმძღვანელმა მარინა ვაშაყმაძემ თანამდებობა დატოვა
„რადიო თავისუფლების“ თბილისის ბიუროს ხელმძღვანელმა - მარინა ვაშაყმაძემ თანამდებობა დატოვა. ამის შესახებ რადიო „თავისუფლების“ ქართული სამსახურის ყოფილმა უფროსმა, დავით კაკაბაძემ აჭარის საზოგადოებრივი მაუწყებლის გადაცემა „ჰეშთეგში“ განაცხადა.
„მე ჩემს თანამშრომლებს ვთხოვე, რომ დარჩნენ და განაგრძონ რადიო „თავისუფლებისთვის“ მუშაობა, ეს ახლა მნიშვნელოვანია. ერთი რამ ვერ მოვახერხე, ამაზე დამეთანხმება თბილისის ბიუროს ხელმძღვანელი მარინა ვაშაყმაძე, რომლის გადაწყვეტილებასაც ძალიან დიდი პატივს ვცემ. იმედი მქონდა, ის თბილისის ბიუროში დარჩებოდა და უხელმძღვანელებდა. სამწუხაროდ, მარინამ თქვა, რომ ამ ბიუროში მუშაობის გაგრძელება ვეღარ წარმოუდგენია. გადაწყვეტილების შესახებ კი თანამშრომლებს უკვე აცნობა“,- თქვა კაკაბაძემ.
ვაშაყმაძის წასვლას წინ უძღოდა 30 იანვარს რადიო „თავისუფლების“ ქართული სამსახურის უფროსის დავით კაკაბაძის თანამდებობიდან გათავისუფლება. ის ამ პოზიციას იკავებდა 2005 წლიდან.
რადიო „თავისუფლების“ მენეჯმენტსა და ქართულ სამსახურს შორის არსებულ უთანხმოებაზე ინფორმაცია BBGWatch -მა გაავრცელა. გამოცემის ცნობით, რადიოს მენეჯმენტი აძალებს ქართულ სამსახურს, „რუსთავი 2“-თან ითანამშრომლოს. მაშინვე გახდა ცნობილი, რომ ხელმძღვანელობა დავით კაკაბაძის გათავისუფლებას ცდილობდა.
BBGWatch-ის ინფორმაცია რადიო „თავისუფლების“ ქართულმა სამსახურმა დაადასტურა. როგორც მედიასაშუალების განცხადებაშია ნათქვამი, მას შემდეგ, რაც საზოგადოებრივ მაუწყებელში დახურეს გადაცემები „წითელი ზონა“ და „ინტერVIEW“, „რადიო „თავისუფლების“ ქართული ბიურო ალტერნატიულ მედიასაშუალებას ეძებდა, საბოლოოდ არჩევანი შეაჩერეს აჭარის საზოგადოებრივ მაუწყებელზე, რამაც წარმოშვა „მწვავე უთანხმოება სამსახურის დირექტორს, დავით კაკაბაძესა და კომპანიის მთავარ რედაქტორს, ნენად პეიჩს შორის“. განცხადების თანახმად, „უთანხმოების გადაჭრის გზად მენეჯმენტმა ქართული სამსახურის დირექტორის გათავისუფლება დაისახა, რასაც მოჰყვა რედაქციის სრული შემადგენლობის წერილობითი პროტესტი რთე/რთ-ის პრეზიდენტის, ტომ კენტის სახელზე“.
რადიო „თავისუფლების“ ქართული რედაქციის მხარდასაჭერად პეტიციაც მომზადდა.