უკან
სამართალი
19 სექტემბერი, 2020 15:40
რაგბის კავშირის ვიცე-პრეზიდენტს პატიმრობა შეუფარდეს
მორაგბე რამაზა ხარაზიშვილის დაჭრის საქმეზე რაგბის კავშირის ვიცე-პრეზიდენტს, მერაბ ბესელიას აღმკვეთი ღონისძიების სახით პატიმრობა შეეფარდა.
გამოძიება მას ჯანმრთელობის განზრახ მძიმე დაზიანებას და ცეცხლსასროლი იარაღის მართლსაწინააღმდეგოდ შეძენა-ტარებას ედავება.
დღევანდელ სასამართლო პროცესზე, რომელიც დისტანციურ რეჟიმში გაიმართა, პროკურატურა ბრალდებულისთვის პატიმრობის შეფარდებას მოითხოვდა, ხოლო დაცვის მხარემ გირაოს შუამდგომლობა დააყენა.
ცნობისთვის, „შვიდკაცას“ კაპიტანი რამაზ ხარაზიშვილი 16 სექტემბერს დაჭრეს. როგორც ხარაზიშვილი ამბობს, ბესელია ამ დროს ნასვამ მდგომარეობაში იყო. მისივე თქმით, ვიცე-პრეზიდენტთან მანამდე დაპირისპირება არ ჰქონია და ეს მას შემდეგ მოხდა, რაც საუბრის დროს ბესელიამ "კონტრკითხვაზე პასუხი ვერ გასცა".