პოლიტიკა
რაკეტსაწინააღმდეგო თავდაცვის სისტემით აღჭურვილი აშშ-ის საესკადრო ნაღმოსანი Carney შავ ზღვაში შევიდა
აშშ-ის საზღვაო ძალების საესკადრო ნაღმოსანი Carney, რომელიც Aegis-ის რაკეტსაწინააღმდეგო თავდაცვის სისტემითაა აღჭურვილი, შავ ზღვაში შევიდა. ამის შესახებ აშშ-ის საზღვაო ძალების მე-6 ფლოტის მიერ გავრცელებულ განცხადებაშია ნათქვამი.
მე-6 ფლოტის პრესსამსახურის ცნობით, გემი შავ ზღვაში შევიდა, რათა „ზღვაზე უსაფრთხოების უზრუნველყოფის ოპერაციები განახორციელოს და ასევე რეგიონში მოკავშირეებისა და პარტნიორების ფლოტებთან თავსებადობა გააძლიეროს“.
„საესკადრო ნაღმოსანი Carney-ის შესვლა შავ ზღვაში ცხადყოფს რეგიონში უსაფრთხოებისა და სტაბილურობის კუთხით ჩვენს თანმიმდევრულ მხარდაჭერას. ის დრო, რომელსაც შავ ზღვაში გავატარებთ, დაგვეხმარება რეგიონის სხვა ფლოტებთან თავსებადობის გაზრდაში და ასევე პარტნიორ სახელმწიფოებთან ინფორმაციის გაცვლაში“, - განაცხადა საესკადრო ნაღმოსანი Carney-ის მეთაურმა ტაისონ იანგმა.