საზოგადოება
რამდენიმე თვის განმავლობაში 3.5 მილიარდი დოლარის ინვესტიციას ვგეგმავთ ინფრასტრუქტურაში - ზურაბ ალავიძე
რეგიონული განვითარებისა და ინფრასტრუქტურის მინისტრის, ზურაბ ალავიძის განცხადებით, ინფრასტრუქტრუსის გასავითარებლად 3.5 მილიარდი დოლარის ინვესტიციის ჩადება იგეგმება.
„მინდა, პროფესიული სასწავლებლით დაინტერესებულებსა და მსურველებს მივმართო, ეს დასაქმების თვალსაზრისით დიდი შესაძლებლობაა. ამ რამდენიმე თვის განმავლობაში 3.5 მილიარდი დოლარის ინვესტიციას ვგეგმავთ ინფრასტრუქტურაში. უამრავ ადამიანს დასაქმების ფანტასტიკური შესაძლებლობა ექნება. 30-40 ათასი სამუშაო ადგილი დაემატება და უმუშევრობის პროცენტი კიდევ უფრო შემცირდება“, - განაცხადა ალავიძემ პროფესიული განათლების ფესტივალზე.
ალავიძის თქმით, ზოგიერთ სფეროში კადრების დეფიციტი შეინიშნება.
„დღეს კადრები რომ არ გვყოფნის, უცხოელების დახმარებით ვსარგებლობთ. სამშენებლო სექტორი ვითარდება, ხელფასებიც მნიშვნელოვანია. მაგალითად, ექსკავატორის კარგ მძღოლს თვეში აქვს 4-5 ათასი ლარი ხელფასი. ასეთი ხელფასი მინისტრებსაც არ აქვთ. შრომა მარტივი არ არის, მაგრამ, თუ გინდა, რომ მიიღო კარგი ანაზღაურება, უნდა იშრომო",- განაცხადა ალავიძემ.
ანა მებურიშვილი