კომენტარი

რანაირად არის ლარიზაციის პროგრამა წარმატებული, როცა საქმე უარესობისკენ მიდის? : ოთარ კახიძე - დიმიტრი ქუმსიშვილს

რანაირად არის ლარიზაციის პროგრამა წარმატებული, როცა ლარი უფასურდება და საქმე უარესობისკენ მიდის. - ასე მიმართა, „ევროპული საქართველოს“ წევრმა, ოთარ კახიძემ, ფინანსთა მინისტრ დიმიტრი ქუმსიშვილის, რომელმაც საქართველოს პარლამენტში 2018 წლის ბიუჯეტი წარადგინა.

„თქვენ აღნიშნეთ, რომ ლარიზაციის პროგრამა იყო წარმატებული და უნდა გაგრძელდეს. შარშან ამ დროს ლარის კურსი 2.41 იყო, ხოლო ახლა არის 2.62, ანუ წლის განმავლობაში ლარი კიდევ უფრო გაუფასურებულია.

თქვენ როცა ლარიზაციის პროგრამა გამოაცხადეთ, ლარი 2.55 იყო და ახლა არის უფრო გაუფასურებული, ვიდრე იყო მაშინ, როცა ლარიზაციის პროგრამის განხორციელება დაიწყეთ.

რანაირად არის ლარიზაციის პროგრამა წარმატებული, როცა საქმე უარესობისაკენ მიდის? მაინტერესებს, რისი ბრალი არის ლარის გაუფასურება?!“,- აღნიშნა კახიძემ.

მონიკა დავლიანიძე