საზოგადოება

რას აგვინაზღაურებს ავტოდაზღვევის სრული ნაკრები

მანქანა ყველა მძღოლისთვის კომფორტული გადაადგილების საშუალებაა, თუმცა კომფორტთან ერთად არ უნდა დავივიწყოთ ის ყოველდღიური რისკები, რასთან გამკლავებაც ავტომფლობელებს უწევთ. სხვისი თუ ჩვენი ბრალეულობით მომხდარი ავარია, ქურდობის თუ ვანდალიზმის შემთხვევები, სეტყვა და სხვა სტიქიური მოვლენები - ეს ის მცირე ჩამონათვალია, რაც ავტომობილებს ზოგადად საფრთხეს უქმნის. დაზიანებული მანქანის აღდგენა კი ყოველთვის დიდი ხარჯებს უკავშირდება. ავტომობილის სრული დაზღვევით ამ საკითხებზე ნერვიულობას თავიდან ავირიდებთ. თიბისი დაზღვევა ავტომანქანებს საუკეთესო პირობებით აზღვევს.

რას მოიცავს სრული ავტოდაზღვევა

თიბისი დაზღვევა მძღოლებს მანქანის დაზღვევის სრულ ნაკრებს სთავაზობს. აქ გათვალისწინებულია ყველა ის რისკი თუ საშიშროება, რის წინაშეც შეიძლება ნებისმიერი მძღოლი დადგეს. სრული ნაკრების შეძენისას შეგიძლიათ უფლებამოსილი მძღოლის გრაფაში დაზღვეული მანქანით მოსარგებლე სხვა პირებიც მიუთითოთ, რომლებზეც ასევე გავრცელდება დაზღვევის ყველა პირობა.

უფრო დეტალურად კი, დაზღვევის სრულ ნაკრებში გათვალისწინებულია შემდეგი შემთხვევები -

-ავტოავარია

-ქურდობა, ძარცვა, ყაჩაღობა

-ვანდალიზმი

-სტიქიური მოვლენები, მათ შორის სეტყვა და მიწისძვრა

-საგნების დაცემა

ავტოდაზღვევის სრული ნაკრები ყველაზე მრავალფეროვანი, კომფორტული და გამოსადეგი პირობებით გამორჩევა. მისი შეძენის შემთხვევაში, თქვენ საჩუქრად იღებთ კვირის ნებისმიერ დღეს, 24/7-ზე გზებზე ტექნიკურ დახმარებას. საჭიროების შემთხვევაში, თქვენ შეგიძლიათ მიმართოთ ავტოასისტანსს და ისარგებლოთ ევაკუატორის მომსახურებით, საწვავის ადგილზე მიტანის, ადგილზე საბურავის გამოცვლის და ავტომობილის დაქოქვის სერვისებით.

გარდა ამისა, თქვენ შეძლებთ პარტნიორ ორგნიზაციებთან განსაკუთრებული შეთავაზებებითა და ფასდაკლებებით სარგებლობას. სრული ნაკრების შეძენით, თქვენ იღებთ ყველაფერს, რაც ნებისმიერ მძღოლს გაუხარდება - ფასდაკლებას რეცხვის სერვისზე და ავტო მომსახურების ცენტრებში. პარტნიორ ორგანიზაციათა ჩამონათვალი კი საკმაოდ ვრცელია.

სრული ნაკრების შეძენისას შეგიძლიათ დამატებით აირჩიოთ მძღოლისა და მგზავრების უბედური შემთხვევისგან დაზღვევა და მესამე პირთა მიმართ პასუხისმგებლობის დაზღვევა. ამით სადაზღვევო თანხა მცირედით შეიცვლება თუმცა მეტად უზრუნველყოფთ თქვენს სიმშვიდესა და დაცულობის განცდას.

მძღოლისა და მგზავრების უბედური შემთხვევისგან დაზღვევაში იგულისხმება, რომ თუ ავტოსაგზაო შემთხვევისას მძღოლი ან მგზავრები მიიღებენ ჯანმრთელობის დაზიანებას, მკურნალობის ხარჯებს თიბისი დაზღვევა აანაზღაურებს.

მესამე პირთა მიმართ სამოქალაქო პასუხისმგებლობის დაზღვევა კი გულისხმობს, რომ თუ თქვენი ბრალეულობით ზიანი მიაყენეთ მესამე პირის მანქანას, ქონებას ან ჯანმრთელობას, თიბისი დაზღვევა მიყენებულ ზიანს აანაზღაურებს.

როგორ შევიძინოთ ავტოდაზღვევის სრული ნაკრები

ავტოდაზღვევის შესაძენად საკმარისია პირადობის დამადასტურებელი მოწმობა, ტექ პასპორტი და ინტერნეტთან წვდომა. დაზღვევის შეძენას ონლაინ, თიბისი დაზღვევის ციფრულ პლატფორმაზე შეძლებთ. ამისათვის კი უნდა მიჰყვეთ მარტივ ფორმულარს და შეავსოთ მოცემული ველები. სადაზღვევო პოლისს ელექტრონულ ფოსტაზე მიიღებთ.

თიბისი დაზღვევა თქვენი ავტომობილისთვის სხვა, შედარებით მცირე ნაკრებებსაც გთავაზობთ.

თქვენ შეგიძლიათ დააზღვიოთ მხოლოდ მთავარი რისკი - ავტოავარია, ან მხოლოდ მესამე პირთა მიმართ ავტოპასუხისმგებლობა, ან აირჩიოთ ნაკრები მინი და თავად განსაზღვროთ კონკრეტულად რომელი რისკებისგან გსურთ დაზღვევა. თიბისი დაზღვევის არჩევით თქვენ ირჩევთ #1 სადაზღვევო კომპანიას ავტოდაზღვევის მიმართულებით რომელიც 2018 წლიდან ლიდერია ქართულ ბაზარზე. ამ დროისათვის თიბისი დაზღვევას უკვე ანაზღაურებული აქვს თითქმის 6 000 000 ლარის მოცულობის თანხა და დაზღვეულებს ყველაზე კომფორტულ სერვისს და მრავალფეროვან სადაზღვევო პროდუქტებს სთავაზობს.

NS