პოლიტიკა

რატომ არ ხდება ფარცხალაძის დაუყოვნებლივი დაკავება რუსეთის სასარგებლოდ ჯაშუშობაში - გიორგი ვაშაძე

გუშინ უტყუარად დადასტურდა საჯარო რეესტრის ამონაწერებით, ჟურნალისტებზე თავდასხმით, რომ ფარცხალაძე იმყოფება საქართველოში, შესაბამისად, ჩვენი კითხვა არის ის, რატომ არ ხდება ფარცხალაძის დაუყოვნებლივი დაკავება, - ამის შესახებ „სტრატეგია აღმაშენებლის“ ლიდერმა გიორგი ვაშაძემ ჟურნალისტებთან განაცხადა.

„მათ მოუწიათ უკან დახევა და ფარცხალაძეს მოქალაქეობა შეუწყვიტეს, მაგრამ ვსვამ მთავარ კითხვას - რუსეთის მოქალაქე ხომ არის უკვე ფარცხალაძე, რატომ არ არის დაკავებული? გუშინ უტყუარად დადასტურდა საჯარო რეესტრის ამონაწერებით, ჟურნალისტებზე თავდასხმით, რომ ფარცხალაძე იმყოფება საქართველოში, შესაბამისად, ჩვენი კითხვა არის ის, რატომ არ ხდება ფარცხალაძის დაუყოვნებლივი დაკავება რუსეთის სასარგებლოდ ჯაშუშობაში?

სუს-ი და ყველა სამართალდამცავი ორგანო, რომელიც არ აკავებს რუს ჯაშუშ ფარცხალაძეს, საკუთარი თავის ლუსტრაციას ახდენს. კითხვას ვუსვამ „ქართულ ოცნებას“, სუს-საც და ყველა უწყებას, რატომ არ ახდენთ ფარცხალაძის დაკავებას?

ორი მთავარი საკითხი, რაც ახლა გვაქვს - უნდა მოხდეს ფარცხალაძის დაკავება და ეროვნული ბანკის ბრძანება დაუყოვნებლივ უნდა გაუქმდეს. ჩვენთვის მთავარია, საზოგადოებას პასუხი გასცეს ოცნებამ, თუ რატომ არ ხდება ფარცხალაძის დაკავება, ამიტომ კითხვას უნდა გასცეს ყველა უწყებამ პასუხი, კაცი არის მხილებული ჯაშუშურ საქმიანობაში, ამაზე დიდი დანაშაული არ არსებობს.“ - განაცხადა ვაშაძემ