უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
საზოგადოება
რატომ უნდა ვისარგებლოთ ნოტარიუსის სადეპოზიტო ანგარიშით?
ნოტარიუსის სადეპოზიტო ანგარიშზე შესაძლებელია ფულისა და ფასიანი ქაღალდების შენახვა.
აღნიშნული სერვისი მოქალაქეთა უსაფრთხოების დაცვის გარანტიას წარმოადგენს.
ნოტარიუსთა პალატამ, ბანკებთა მოლაპარაკების შედეგად, მიაღწია იმას, რომ ნოტარიუსის სადეპოზიტო ანგარიშის დაყადაღების შემთხვევაში, მოქალაქის მიერ დეპოზიტზე შენახული თანხას ყადაღა არ დაედება, რაც მოქალაქეთა ქონების უსაფრთხოების მეტად დაცვას განაპირობებს.
გასულ კვირას პალატის ხელმძღვანელობა ბანკების წარმომადგენლებს შეხვდა. შეხვედრაზე აღინიშნა, რომ მოქალაქეთა უსაფრთხოებისთვის უნდა გაიხსნას ნომინალური მფლობელობის ანგარიში, რომელიც სწორედ ამ სერვისზე იქნება მორგებული. აღნიშნული ანგარიშის გამოყენება გამორიცხავს მოქალაქეთა მიერ შენახულ თანხებზე საგადასახადო ინკასოს და/ან ყადაღის გავრცელებას.
როდის ვისარგებლოთ აღნიშნული სერვისით?
აღნიშნული სანოტარო სერვისი განსაკუთრებით აქტუალურია გარიგების გაფორმების დროს.
მაგალითად, არის შემთხვევები, როცა გაფორმებულია იპოთეკით უზრუნველყოფილი სესხის ხელშეკრულება, მოვიდა თანხის დაბრუნების დრო, მაგრამ მსესხებელი გამსესხებელს ვერ პოულობს, ან გამსესხებელი იმალება, არადა, ხელშეკრულებით განსაზღვრულია, რომ თანხის დაბრუნების ვადის გადაცილების შემთხვევაში მსესხებელს ჯარიმა ეკისრება. ასეთ შემთხვევაში, მსესხებელს შეუძლია, ნასესხები თანხა ნოტარიუსის სადეპოზიტო ანგარიშზე განათავსოს და ჯარიმა აღარ დაეკისრება.
ასევე, არის შემთხვევები, როცა ნასყიდობის ხელშეკრულების გაფორმებისას, მყიდველსა და გამყიდველს შორის წარმოიშობა დავა - მყიდველს არ სურს თანხის გადახდა ქონების უფლების რეგისტრაციამდე, ხოლო გამყიდველიც თანხის მიღებამდე თავს იკავებს ქონების რეგისტრაციისგან. ასეთ დროს მყიდველს შეუძლია, თანხა ნოტარიუსის სადეპოზიტო ანგარიშზე შეინახოს და მშვიდად დაელოდოს ნაყიდი ქონების უფლების რეგისტრაციას. ამასთან, არც გამყიდველს შეექმნება იმისი საფრთხე, რომ კუთვნილ თანხას ვერ მიიღებს.
რა უნდა ვიცოდეთ ფულისა და ფასიანი ქაღალდების ნოტარიუსის სადეპოზიტო ანგარიშზე შეტანისას?
ფულის, ფასიანი ქაღალდების, სხვა ფასეულობების ნოტარიუსისათვის გადაცემას აქვს იგივე იურიდიული შედეგები, რაც სასამართლოსთვის გადაცემას.
ნოტარიუსის სადეპოზიტო ანგარიშზე თანხის შეტანა შესაძლებელია როგორც გადარიცხვით, ისე ნაღდი ფულით.
ფულისა და ფასიანი ქაღალდების დეპოზიტში მიღების შემდეგ ნოტარიუსი ადგენს ოქმს, სადაც მითითებულია ქონების დასახელება და ოდენობა. ასევე, მოვალის გაცხადებული მიზეზები, თუ რატომ არ შეასრულა მან ხელშეკრულებით გათვალისწინებული ვალდებულება.
ოქმის შედგენის შემდგომ ნოტარიუსი ფულის, ფასიანი ქაღალდებისა და/ან სხვა ფასეულობების დეპოზიტში მიღების შესახებ აცნობებს კრედიტორს და გადასცემს მას დეპოზიტში მიღებულ საგანს.
თუ კრედიტორი უარს განაცხადებს ფულის, ფასიანი ქაღალდების, სხვა ფასეულობების მიღებაზე, უარი უნდა დამოწმდეს სანოტარო წესით. უარის თქმად ჩაითვლება, თუ კრედიტორი არ მიიღებს დეპოზიტის საგანს მისი შეტანიდან სამი წლის განმავლობაში.
ნოტარიუსი კრედიტორის უარის შესახებ აცნობებს მოვალეს და მოსთხოვს დეპოზიტში შენატანის დაბრუნებას. დაბრუნების ვადა არ შეიძლება იყოს სამ თვეზე ნაკლები. თუ მიცემული ვადის განმავლობაში მოვალე არ დაიბრუნებს შენატანს, სადეპოზიტო თანხებს ნოტარიუსი სახელმწიფო ბიუჯეტში ჩარიცხავს.