უკან
სამართალი
14 აგვისტო, 2018 13:35
რაც გავაკეთე განცხადება ის იყო ემოციის ფონზე - მალხაზ მაჩალიკაშვილი
პანკისში ანტიტერორისტული ოპერაციისას მოკლული 19 წლის თემირლან მაჩალიკაშვილის მამამ სახელმწიფო უსაფრთხოების სამსახური დატოვა.
მაჩალიკაშვილს გამომძიებლებმა კითხვები 31 მაისს გაკეთებულ განცხადებასთან დაკავშირებით დაუსვეს, როდესაც ის სუს-ის წინ თავის აფეთქების შესახებ საუბრობდა.
მალხაზ მაჩალიკაშვილის განმარტებით, ეს განცხადება ემოციურ ფონზე გააკეთა და სუს-ის წინ თავის აფეთქების რეალური განზრახვა არ ჰქონია.
„აქ არანაირი დანაშაულის მხრივ არაფერი არ იკვეთება. რაც გავაკეთე განცხადება ის იყო ემოციის ფონზე. მე არც მიფიქრია, არც მქონია გულში... ემოციურ ნიადაგზე გავაკეთე, ჩემს ადგილას სხვაც იტყოდა, უფრო გაცილებით მეტს იტყოდა,“ - აცხადებს მაჩალიკაშვილი.
ნინო ექვთიმიშვილი