კომენტარი

რაც ხდება არის ძალაუფლებისთვის ბრძოლის ყველაზე უნამუსო და უწესო ფორმა - რომან გოცირიძე

პირადი ცხოვრების ამსახველი ჩანაწერების გავრცელებასთან დაკავშირებით არაფერი იქნება გამოძიებული, - ამის შესახებ ფრაქცია „ნაციონალური მოძრაობის“ თავმჯდომარემ რომან გოცირიძემ განაცხადა.

„ბოლო 7 წლის მანძილზე ფარული ჩანაწერების გავრცელების არაერთ შემთხვევას ჰქონდა ადგილი და დღემდე არ გასცემია პასუხი კითხვას, თუ ვინ გააკეთა ეს. როდესაც მსგავსი რამ ხდება, მიზანი ერთია - ცალკეულ პირებზე პოლიტიკური ზემოქმედების განხორციელება. ეს არის პოლიტიკური ზეწოლის ყველაზე ამორალური ფორმა. არასდროს გამოიძებენ თუნდაც რუსთაველის 12-ში „ტროლების ფაბრიკის“ მუშაობას, საიდანაც „თიბისი“ ბანკზე კიბერ შეტევა განხორციელდა. ამას ხელმძღვანელობს ხელისუფლება და ის, რაც ხდება არის ძალაუფლებისთვის ბრძოლის ყველაზე უნამუსო და უწესო ფორმა“, - განუცხადა ჟურნალისტებს რომან გოცირიძემ.