უკან

უახლესი ამბები

დღის კალენდარი

ანონსები

არქივი

პოლიტიკა

31 იანვარი, 2017 16:35
font-size

რაც საქართველოს აკავშირებს ევროპასთან, კონსტიტუციაში მაქსიმალურად უნდა იყოს ასახული - გია ჟორჟოლიანი

ფრაქცია „ქართული ოცნება-სოციალ-დემოკრატების“ თავმჯდომარემ, გია ჟორჟოლიანმა ჟურნალისტებს პარტიის „სოციალ დემოკრატები საქართველოს განვითარებისთვის“ მიერ საკონსტიტუციო კომისიაში წარდგენილი ორი ინიციატივა გააცნო, რომელიც, მისი განმარტებით, ქვეყნის განვითარების შესაძლებლობებზეა ორიენტირებული.

როგორც გია ჟორჟოლიანმა დღევანდელ პრესკონფერენციაზე განაცხადა, ერთ-ერთი ინიციატივა იმ საკონსტიტუციო ჩანაწერს ეხება, რომლის მიხედვით, ახალი გადასახადის დაწესება ან გადასახადის გაზრდა, მხოლოდ რეფერენდუმის შედეგებზე დაყრდნობით არის შესაძლებელი. ინიციატივის ავტორები მიჩნევენ, რომ კონსტიტუციაში არსებული ეს ჩანაწერი პარლამენტის, როგორც წარმომადგენლობითი ორგანოს უფლებას, განსაზღვროს ქვეყნის განვითარება, არსებითად ზღუდავს და ინსტიტუციურ დემოკრატიას აზიანებს.

ფრაქციის თავმჯდომარის განმარტებით, იმისათვის, რომ სახელმწიფოში რადიკალურად შეიცვალოს ვითარება, საჭიროა ქვეყანა გადარჩენის პოლიტიკიდან განვითარების პოლიტიკაზე გადავიდეს.

„ჩვენ გვჭირდება რადიკალური ცვლილებები, ჩვენ გვჭირდება გარღვევა, გვჭირდება ორნიშნა ეკონომიკური ზრდა და იმავდროულად, ინკლუზიური ანუ ისეთი ზრდა, რომელშიც ქვეყნის მოსახლეობის უდიდესი ნაწილი იქნება ჩართული,“-განაცხადა გია ჟორჟოლიანმა.

კანონმდებლის განცხადებით, ამის განსახორციელებლად კი სახელმწიფოს უნდა გააჩნდეს შესაბამისი ინსტრუმენტები, რომ უპასუხისმგებლო სახელმწიფოდან პასუხისმგებელ სახელმწიფოდ ჩამოყალიბდეს. დეპუტატის მოსაზრებით, ამისთვის აქტიური სახელმწიფო პოლიტიკაა საჭირო. კერძოდ, ეკონომიკის სტრუქტურული ტრანსფორმაცია, ახალი სექტორების გაჩენა, წარმოების განვითარება, კონკურენტული პროდუქციის შექმნა, სავაჭრო ბალანსის ცვლილება, ექსპორტის ზრდა, ადამიანური რესურსის, კომპეტენციის და კვალიფიკაციის, ასევე, კვლევებისა და უმაღლესი განათლების განვითარება.

„კარგი დროა, რომ ეს ნაბიჯი ახლა გადაიდგას, რადგან ხელისუფლება ორიენტირებულია განვითარებაზე და მას რესურსები სჭირდება იმისთვის, რომ გარღვევა განვახორციელოთ და გადარჩენის პოლიტიკიდან განვითარების პოლიტიკაზე გადავიდეთ,“-განაცხადა გია ჟორჟოლიანმა.

მეორე ინიციატივა, რომელიც პრესკონფერენციაზე ფრაქციის თავმჯდომარემ დაასახელა, საქართველოს კონსტიტუციის პრეამბულაში სოციალური, ეკონომიკური და კულტურული უფლებების სრულყოფასა და მათ სიაში ღირსეული საცხოვრებლის უფლების შესახებ ჩანაწერის დამატებას ითვალისწინებს.

„ეს არ არის მხოლოდ სოციალური და მხოლოდ ჰუმანიტარული საკითხი. ადამიანი, რომელიც ცხოვრების ღირსეულ პირობებს არის მოკლებული, ძნელად ჩაერთვება შრომით საქმიანობაში და ვერ უზრუნველყოფს იმ წარმატებებს და შემოქმედებით მიდგომას, რაც აუცილებელი ქვეყნის განვითარებისათვის,“- აღნიშნა გია ჟორჟოლიანმა.

ფრაქცია „ქართული ოცნება-სოციალ-დემოკრატების“ თავმჯდომარემ იმედი გამოთქვა, რომ აღნიშნული საკითხები როგორც საზოგადოებრივ, ასევე პოლიტიკურ მხარდაჭერას მოიპოვებენ, ვინაიდან ამ პრინციპების რეალიზაცია თანამედროვე, დასავლური ტიპის სახელმწიფოს ფორმირებას უდევს საფუძვლად.

„ეს ორი ინიციატივა იმ ტრადიციებს, ისტორიას და ჰუმანიზმს ეყრდნობა, რაც ჩვენს კულტურაშია. ის, რაც საქართველოს აკავშირებს ევროპასთან, ჰუმანიზმი, სოლიდარობა, განვითარებაზე ორიენტირებულობა, კონსტიტუციაში მაქსიმალურად უნდა იყოს ასახული და სწორედ ასეთი ჩანაწერები არის გზა ჩვენი ქვეყნის ბუნებრივი და ევროპული განვითარებისა,“-განაცხადა პრესკონფერენციაზე გია ჟორჟოლიანმა.

საკვანძო სიტყვები:

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსივით რაღაც დაპირებები გავცეთ - გიორგი გახარია

2 აპრილი, 2020 , 12:15

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსებივით რაღაც დაპირებები გავცეთ. ჩვენი პასუხისმგებლობა ცოტა სხვა არის, ჩვენი პასუხისმგებლობა ნიშნავს იმას, რომ თითოეული ნათქვამი სიტყვა უნდა შესრულდეს და ასე

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

სახლში დარჩენის გარდა, რას სთავაზობს ხელისუფლება ხალხს?! - ნინო ბურჯანაძე

31 მარტი, 2020 , 12:50

„რაც არ უნდა მძიმე იყოს ჩვენი მდგომარეობა, ჩვენ აუცილებლად გვჭირდება სტრატეგიული ანტიკრიზისული გეგმა. იმ ადამიანს, რომელსაც ეუბნები, რომ კარანტინის დროს სახლში უნდა დარჩეს, მან აუცილებლად უნდა იცოდეს ორი დღის შემდე

არც კარანტინია გამორიცხული და არაფერი - გია ვოლსკი

30 მარტი, 2020 , 16:50

თუ საგანგებო მდგომარეობა გამკაცრდება, ან საკარანტინო რეჟიმი გამოცხადდება, ეს იქნება დამყარებული არა რომელიმე პოლიტიკოსის გადაწყვეტილებაზე, ან პოპულისტურ ქმედებებზე, რაც ბოლო პერიოდში ჩვენს ოპონენტებს დასჩემდათ, არამედ ჩა

„ერთიანი საქართველო“ ხელისუფლებას ანტიკრიზისულ გეგმას სთავაზობს

28 მარტი, 2020 , 15:00

„ერთიანი საქართველოს“ ლიდერი ნინო ბურჯანაძე ხელისუფლებას ანტიკრიზისულ გეგმას სთავაზობს. „ჩვენ, „ერთიან საქართველოს“, გვინდა წარმოგიდგინოთ, შედარებით მოკრძალებული და რეალისტური გეგმა სწორედ ჩ

დღეს ისე როგორც არასდროს საჭიროა ევროპული სოლიდარობის დემონსტრირება - საქართველოს საგარეო საქმეთა სამინისტრო

25 მარტი, 2020 , 22:42

საქართველოს საგარეო საქმეთა სამინისტრო ევროკავშირის დაარსებისთვის საფუძველის ჩაყრის 63 წლისთავთან დაკავშირებით განცხადებას ავრცელებს. "ზუსტად 63 წლის წინ, 1957 წლის 25 მარტს, ევროპის ქვეყნებმა რომის ხელშეკრულების ხელმოწე