საზოგადოება

რჩება ერთადერთი გამოსავალი, ხელში კომბლის აღება - გიორგი ახვლედიანი

„დემოკრატიული მოძრაობის“ წევრის, გიორგი ახვლედიანის თქმით, ხელისუფლება ქვეყანაში რევოლუციას გარდაუვალს ქმნის.

ამის შესახებ ახვლედიანმა კონსტიტუციის ახალი რედაქციის კონსენსუსის გარეშე შესაძლო მიღებაზე საუბრისას განაცხადა.

მისი თქმით, საზოგადოებას ერთადერთი გამოსავალი დარჩება - ხელში კომბალის აღება.

„როდესაც საზოგადოება დაინახავს და ხედავს, რომ ქვეყანაში არჩევნების გზით ხელისუფლება აღარ შეიცვლება, რჩება ერთადერთი გამოსავალი - ხელში კომბლის აღება. საზოგადოების დიდი ნაწილი ამას გააკეთებს, იმიტომ რომ ავტოკრატულ რეჟიმში ცხოვრება ქართველებს ჯერჯერობით არ მოწონებიათ და არც მოეწონებათ. ამიტომ, პროცესები ამ მიმართულებით ავტომატურად წავა. როდის მოხდება ეს და როდის მოხდება სრული ესკალაცია, რევოლუცია ნამდვილად ვერ დავაანონსებ, მაგრამ ხელისუფლება ამას რომ გარდაუვალს ქმნის, ეს ფაქტია“,-განაცხადა ახვლედიანმა.

მონიკა დავლიანიძე