უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
ეკონომიკა
„რედისონ ბლუ ივერიაში“ ცენტრალური აზიის რეგიონული ეკონომიკური თანამშრომლობის პროგრამის ფარგლებში შეხვედრა გაიმართა
დღეს სასტუმრო „რედისონ ბლუ ივერიაში“ ცენტრალური აზიის რეგიონული ეკონომიკური თანამშრომლობის (CAREC) პროგრამის ფარგლებში შეხვედრა გაიმართა, რომელსაც ორგანიზაციის წევრი ქვეყნების 90-ზე მეტი დელეგატი და საქართველოს სამთავრობო უწყებების წარმომადგენლები ესწრებოდნენ. ღონისძიება აზიის განვითარების ბანკის ორგანიზებით გაიმართა.
საქართველოს ეკონომიკის სამინისტროს ინფორმაციით, შეხვედრის მიზანი CAREC-ის ახალი გრძელვადიანი სტრატეგიის მოსამზადებელი პროცედურების განხილვა იყო. მთავრობის წარმომადგენლებმა, თავიანთი სფეროების შესაბამისად, გამოთქვეს მოსაზრებები და დასახეს სამომავლო აქტივობები სტრატეგიის ფარგლებში.
ღონისძიება საქართველოს ეკონომიკისა და მდგრადი განვითარების მინისტრის მოადგილემ გენადი არველაძემ გახსნა. „დღეს საქართველო ცენტრალური აზიის რეგიონული ეკონომიკური თანამშრომლობის ორგანიზაციის მაღალი დონის შეხვედრას მასპინძლობს, რომელიც წელიწადში 2-ჯერ იმართება. CAREC-ს კოორდინატორი წელს ტაჯიკეთია, მაგრამ საქართველო, როგორც შეხვედრების პლატფორმა, ვმასპინძლობთ დღევანდელ შეხვედრას. ჩვენ გვაქვს სხვადასხვა სახის თანამშრომლობა ორგანიზაციის წევრ ქვეყნებთან სხადასხვა ეკონომიკური და ენერგეტიკული დერეფნების განვითარების მიმართულებით, ასევე ვთანამშრომლობთ ვაჭრობასა და საბაჟო სფეროებში. ეს ძალიან მნიშვნელოვანი ასპექტია, რათა ქვეყნებს შორის განვითარდეს ვაჭრობა და ხელი შეეწყოს ერთმანეთის პროდუქციის განთავსებას აღნიშნულ ბაზრებზე“ - განაცხადა გენადი არველაძემ.
შეხვედრის მონაწილეებს ასევე სიტყვით მიმართა აზიის განვითარების ბანკის ცენტრალური და დასავლეთ აზიის დეპარტამენტის დირექტორმა შონ სილვერმა. „დღეს ჩვენ ვსაუბრობთ CAREC-ზე, რომელიც ცენტრალური აზიის რეგიონალური ეკონომიკური თანამშრომლობას გულისხმობს. ყველა ქვეყანა, მათ შორის ცენტრალური აზია, კავკასია და სამხრეთ აზიის რამდენიმე ქვეყანა ერთმანეთთან თანამშრომლობის გამტკიცებაზე მსჯელობენ ისეთ სფეროებში, როგორიცაა ენერგეტიკა და ვაჭრობა. დღეს ისეთ მნიშვნელოვან საკითხს განვიხილავთ, როგორიც ახალი სტრატეგიიის შემუშავებაა. ჩვენ დიდი იმედი გვაქვს, რომ საქართველო პროცესში აქტიურად ჩაერთვება, როგორც პროგრესული ქვეყნა და დაგვეხმარება, გავხდეთ ლიდერები რეგიონული თანამშრომლობის კუთხით. დარწმუნებული ვარ, ყველა მონაწილე ქვეყნის ჩართულობა, საქართველოსთან ერთად, CAREC-ს დამატებით სარგებელს მოუტანს“- აღნიშნა შონ სილვერმა.
საქართველო CAREC-ს რეგიონული ორგანიზაციაში 2016 წლის ოქტომბერში შეუერთდა და მისი მე-11 წევრი გახდა. საქართველოს გარდა, ორგანიზაციაში შედიან აზერბაიჯანი, ყაზახეთი, ტაჯიკეთი, უზბეკეთი, თურქმენეთი, ყირგიზეთი, მონღოლეთი, ავღანეთი, პაკისტანი და ჩინეთი. სხვდასხვა საერთაშორისო ფინანსურ ორგანიზაციებთან თანამშრომლობით, CAREC ახორციელებს მასშტაბურ ინფრასტრუქტურულ და ეკონომიკურ პროექტებს, რაც მიზნად ისახავს რეგიონის ქვეყნებს შორის ვაჭრობის და ინვესტიციების განვითარებას, სატრანსპორტო დერეფნის პოტენციალის გაზრდას, ენერგეტიკის სფეროში თანამშრომლობის გაღრმავებას და სხვა მნიშვნელოვან საკითხებზე სამომავლო პროექტების დაგეგმვას და განხორციელებას.