უკან
რეგიონები
10 მაისი, 2018 16:40
ფოთში 6 წლის გოგონამ ტკბილეულის ნაცვლად ,,კროტი“ შეჭამა
ფოთში 6 წლის გოგონამ ტკბილეულის ნაცვლად ქიმიური ნივთიერება ,,კროტი“ შეჭამა.
ახლობლების ინფორმაციით, ბებიამ შვილიშვილი მაღაზიაში ტკბილეულის შესაძენად მიიყვანა, გამყიდველს სავარაუდოდ, შეფუთვა შეეშალა და „კროტი“ მისცა. შედეგად 6 წლის გოგონამ პირის ღრუსა და შინაგანი ორგანოების უმძიმესი დამწვრობა მიიღო.
„რომ გაუხსნა ბებიამ შეფუთვა და მისცა, კივილი დაიწყო ბავშვმა სიმწრისგან. გაუსივდა ენა, ტუჩები. ეს იყო მჟავა, რომლითაც მილებს და ონკანის ნიჟარებს წმენდენ,“-აცხადებს ერთ-ერთი თვითმხილველი.
გოგონა რეანომობილით თბილისში, იაშვილის კლინიკაში გადაიყვანეს.
მომხდართან დაკავშირებით მიმდინარეობს გამოძიება.