უკან
პოლიტიკა
30 მარტი, 2018 10:40
რეგიონული განვითარებისა და ინფრასტრუქტურის მინისტრის თანამდებობას მაია ცქიტიშვილი დაიკავებს
რეგიონული განვითარებისა და ინფრასტრუქტურის მინისტრის თანამდებობას მთავრობის ადმინისტრაციის ყოფილი ხელმძღვანელი, მაია ცქიტიშვილი დაიკავებს.
შესაბამისი განცხადება საქართველოს პრემიერ-მინისტრმა, გიორგი კვირიკაშვილმა მთავრობის ადმინისტრაციაში გამართულ ბრიფინგზე გაააკეთა და საზოგადოებას მინისტრთა კაბინეტის ახალი წევრი წარუდგინა.
მაია ცქიტიშვილმა აღნიშნულ თანამდებობაზე ზურაბ ალავიძე შეცვალა.
როგორც გიორგი კვირიკაშვილმა განაცხადა, რეგიონული განვითარებისა და ინფრასტრუქტურის მინისტრი ზურაბ ალავიძე თანამდებობიდან თავად გადადგა.
ცნობისათვის, მაია ცქიტიშვილი 2012 წლის 1 ნოემბრიდან დღემდე საქართველოს მთავრობის ადმინისტრაციის ხელმძღვანელის თანამდებობას იკავებდა.