პოლიტიკა
რელიგიური მიმდინარეობა, რომელიც საქართველოში ტერაქტს მოაწყობს, რუსეთის იმპერიული ზრახვების წისქვილზე დაასხამს წყალს -ზაალ კასრელიშვილი
კავკასიის ხალხთა კონფედერაციის თავმჯდომარის ზაალ კასრელიშვილის განცხადებით, საქართველოში ტერაქტის მოწყობის საფრთხეები არის, მაგრამ საქართველო ამ ეტაპზე ტერორიზმთა სამიზნე არ არის. ამის შესახებ ზაალ კასრელაშვილმა დღეს გამართულ პრესკონფერენციაზე განაცხადა და აღნიშნა, რომ თუ რუსეთსა და თურქეთს შორის ანტიტერორისტული თანამშღომლობის შესახებ შეთანხმება შედგა, ეს კავკასიაზე ნეგატიურად იმოქმედებს. ზაალ კასრელიშვილის თქმით, რელიგიური თუ პოლიტიკური მიმდინარეობა, რომელიც საქართველოში ტერაქტებს მოაწყობს და არეულობას შეეცდება, რუსეთის იმპერიული ზრახვების წისქვილზე დაასხამს წყალს.
,,საფრთხეები არის, მაგრამ საქართველო ჯერ სამიზნე არ არის. თუ რუსეთსა და თურქეთს შორის შედგა გარიგება, რომლის მიხედვითაც რუსეთი და თურქეთი ერთობლივი ძალისხმევით შეებრძოლებიან ტერორიზმს, ეს იმას ნიშნავს, რომ რუსეთმა თურქეთს უნდა გაუშიფროს მისი აგენტურა, მის ტერიტორიაზე თურქეთმა კი უდნა გაუშიფროს მისი აგენტურა ჩრდილო კავკასიაში, რასაც აუცილებლად მოჰყვება კავკასიელების გააქტიურება და არამარტო რადიკალური ისლამის კავკასიელების გააქტიურება. კავკასიაში შეიძლება დაიწყოს ერთობლივი ანტირურუსლი და ანტითურქული კამპანია და ამის საფრთხე რეალურად არსებობს. რელიგიური მიმდინრეობა, თუ პოლიტიკური მიმდინარეობა, რომელიც საქართველოში ტერაქტებს მოაწყობს და არეულობას შეეცდება, რუსეთის იმპერიული ზრახვების წისქვილზე დაასხამს წყალს. რა თქმა უნდა, ქვეყნის შიგნით სპეცსამსახურებიც მუშაობენ, არ ვიცით რა მეთოდებს იყენებენ, მაგრამ აშკარაა რომ მუშაობენ“,-განაცხადა კასრელიშვილმა.
მარი ნამგალაძე