პოლიტიკა

რეპერების საქმეში მონაწილე პოლიციელები გამოძიების დასრულებამდე უნდა გაათავისუფლონ - ირმა ინაშვილი

საპარლამენტო ოპოზიციის წევრის, ირმა ინაშვილის განცხადებით, ჯგუფ „ბირჟა მაფიას“ რეპერების საქმეში მონაწილე პოლიციელები გამოძიების დასრულებამდე უნდა გათავისუფლდნენ.

დეპუტატმა ნარკოტიკების ჩადების პრაქტიკაზეც ისაუბრა. მისი თქმით, ხელისუფლებამ უნდა აღიაროს, რომ პოლიცია უკანონო ქმედებებს სჩადის.

„გამოძიების დასრულებამდე ეს პოლიციელები აუცილებლად უნდა გათავისუფლდნენ, რადგან არის რისკი, რომ მათ კიდევ სხვას ჩაუდონ ნარკოტიკი. ეს ადამიანები სისტემაში არ უნდა მუშაობდნენ. ძალიან ბევრი ფაქტი არის, როდესაც მოქალაქეები საუბრობენ ნარკოტიკის ჩადების შესახებ. დღეს რაოდენობა გადავიდა ხარისხში. კარგი იქნება ამას ხელისუფლება თუ გააცნობიერებს და აღიარებს, რომ მართლა პრობლემაა ქვეყანაში პოლიციელების მხრიდან ნარკოტიკის ჩადების. ასეთი პოლიციელები, რომლებიც ასრულებენ ბინძურ, უკანონო დავალებებს, სისტემიდან უნდა გათავისუფლდნენ“,- განაცხადა ინაშვილმა.

ანა მებურიშვილი