მსოფლიო
რეზოლუცია ღაზა-ისრაელის საზღვრაზე მომხდარი შეტაკების დამოუკიდებელი გამოძიების მოთხოვნით აშშ-მ დაბლოკა
აშშ-მ დაბლოკა გაეროს უშიშროების საბჭოს ქუვეითი ელჩის რეზოლუცია, რომელიც ეხებოდა ისრაელი-ღაზას საზღვარზე მომხდარი შეტაკებების დამოუკიდებელ გამოძიებას.
პალესტინის ელჩმა, რომელიც ქუვეითელ კოლეგასთან ერთად დაგმო ისრაელის ჯარის მიერ პალესტინელ დემონსტრანტებზე ცეცხლის გახსნა, აშშ-ის ქმედებას „ძალიან უპასუხისმგებლო“ უწოდა და დაამატა, რომ ეს ისრაელს „მწვანე შუქს“ მისცემს, რათა გააგრძელოს თავდასხმა მშვიდობიან მოქალაქეებზე.
ათი პალესტინელი დემონსტრანტი ემსხვერპლა გუშინდელ შეტაკებას ისრაელის ჯართან. ჯარისკაცებმა მოქალაქეებს ცეცხლი გაუხსნეს, როცა ისინი ცდილობდნენ ჭიშკრის განგრევას საზღვარზე.
დაღუპულებს შორის ყველაზე უმცროსი 16 წლის იყო. ასევე მოკლეს ჟურნალისტი იასერ მურტაჯა, რომელიც ღაზას სექტორში დაარსებულ სააგენტო Ain Media-ში მუშაობდა.
ღაზას ჯანდაცვის მინისტრის მონაცემებით, 1300-ზე მეტი ადამიანია დაშავებული.
ისრაელი, თავის მხრივ, ამტკიცებს, რომ საპროტესტო აქციების უკან სამხედრო დაჯგუფება ჰამასი დგას.
ღაზა-ისრაელის საზღვართან 10 დღის წინ ე.წ. „დაბრუნების მარში“ დაიწყო, რომელშიც პალესტინელები აპროტესტებენ ისრაელის მიერ მათი მიწების ოკუპაციას და გამოხატავენ ისრაელისადმი დაუმორჩილებლობას.