უკან

უახლესი ამბები

დღის კალენდარი

ანონსები

არქივი

პოლიტიკა

22 ივნისი, 2017 14:30
font-size

რიგგარეშე სხდომაზე ოპოზიციის დემარში წინასწარ გააზრებული პოლიტიკური სცენარი იყო - ეკა ბესელია

პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, საპარლამენტო ოპოზიციის მიერ საკონსტიტუციო ცვლილებების განხილვაზე გამოცხადებული ბოიკოტი წინასწარ დაგეგმილი იყო.

დეპუტატის თქმით, საპარლამენტო ოპოზიცია ცდილობს, კონსტიტუციის დამტკიცების პროცესი ჩაშალოს.

„ის, რაც გუშინ დემარშის სახით მოხდა, ყველაფერი გამიზნულად გაკეთდა. რა თქმა უნდა, ეს წინასწარ გააზრებული პოლიტიკური სცენარი იყო. დებატების დროს, საპარლამენტო უმცირესობა დარბაზში დარჩა და კითხვა-პასუხის დისკუსიაში ბოლომდე მონაწილეობდა, შემდეგ განხილვიდან მათი გასვლაც პოლიტიკური სცენარის ნაწილი იყო.

რა თქმა უნდა, მათ სურთ, რომ ამ პროცესს ჩრდილი მიაყენონ და აჩვენონ, რომ თითქოს, საკონსტიტუციო პროექტის განხილვა ერთი პოლიტიკური პარტიის ქვეშ მიმდინარეობს. ეს სწორი და მართებული არ არის, რადგან საკონსტიტუციო კომისია ასეთი ფართო ჩართულობით არ მახსოვს. მესმის ის, რაც ოპონენტებს გამიზნული აქვთ ამ პროცესისთვის ჩრდილის და ზიანის მიყენების თვალსაზრისით. უფლება არ გვაქვს, კარგი კონსტიტუციის მიღებაზე უარი ვთქვათ“, - განაცხადა ბესელიამ.

ბესელია არასამთავრობო ორგანიზაციების ბოიკოტსაც გამოეხმაურა. დეპუტატის თქმით, საკონსტიტუციო პროექტში მესამე სექტორის წინადადებების 80%-ია გათვალისწინებული.

„სამოქალაქო სექტორში მტრის ხატის ძებნა არ მიყვარს და ამიტომ, ამაზე შეფასებებს არ გავაკეთებ. ეს ყველაფერი სამწუხაროა, რადგან ყველა მათგანი კომისიისა და განხილვის ფარგლებში ჩართული იყო. მათი მოთხოვნისა და მოსაზრებების ძალიან დიდი ნაწილი გათვალისწინებული იყო. ის, რომ კონსენსუსის გამო ვადებთან მიმართებაში გარკვეული ცვლილება მოხდა, ბუნებრივია, რადგან კონსენსუსი გუნდის შიგნითაც გვჭირდება და გარეთაც. სხვაგვარად შეთანხმების მიღწევა შეუძლებელი იქნებოდა. როცა გარედან კონკრეტული მოთხოვნების დაყენება ხდება, ყოველთვის მაქსიმუმს ითხოვ. შეუძლებელია, ასეთი იდეალური მოცემულობის შექნა. მათი პოზიციის თითქმის 80% გაზიარებულია. ის, რომ ამ პროცესში ყველამ ყველას თავისი წინადადების რეალობა სთხოვოს, ეს შეუძლებელი ამოცანაა“, - თქვა ბესელიამ.

შეგახსენებთ, გუშინ გამართული პარლამენტის რიგგარეშე სხდომა ოპოზიციამ პროტესტის ნიშნად სრული შემადგენლობით დატოვა. მისი თქმით, მმართველი გუნდი კონსტიტუციის საკუთარ თავზე მორგებას ცდილობს.

დღეს კი საკონსტიტუციო პროექტის განხილვას ბოიკოტი გამოუცხადა არასამთავრობო სექტორმა. 14 არასამთავრობო ორგანიზაციის უკმაყოფილება გამოიწვია საპარლამენტო უმრავლესობის გადაწყვეტილებამ, რომლის თანახმად, საარჩევნო სისტემა შერეულიდან პროპორციულზე არა 2020 წელს, არამედ 2024 წელს გადავა.

მესამე სექტორი საპარლამენტო უმრავლესობას არათანმიმდევრულობაში ადანაშაულებს და საკონსტიტუციო განხილვებს „თვალთმაქცობას“ უწოდებს.

ანა მებურიშვილი

კარასინი-აბაშიძის ფორმატში შეხვედრა სექტემბერში არ გაიმართება

19 სექტემბერი, 2020 , 15:40

კარასინი-აბაშიძის ფორმატში შეხვედრა სექტემბერში არ გაიმართება, - ამის შესახებ რუსეთთან ურთიერთობებში პრემიერ-მინისტრის სპეციალურმა წარმომადგენელმა ზურაბ აბაშიძემ განაცხადა. „გრიგორი კარასინთან მორიგი შეხვედრის თარი

“უნდა დასრულდეს მფლანგველი და ნეპოტისტი ხელისუფლება!” - ნატო ჩხეიძე შიდა ქართლში საარჩევნო კამპანიას განაგრძობს

19 სექტემბერი, 2020 , 15:09

"ნაციონალური მოძრაობისა" და გაერთიანებული ოპოზიციის "ძალა ერთობაშია" მაჟორიტარობის კანდიდატი ნატო ჩხეიძე საარჩევნო კამპანიას განაგრძობს. დეპუტატმა რუისში, კეხიჯვარში, ურბნისსა და სასირეთში კარდაკარ მოიარა ოჯახები და მათ

ბოკუჩავა თურნავას: ზევსი რომ გგონიათ ოლიმპოს მთაზე მოკალათებული, ის ადამიანი სინამდვილეში ერთი ჩვეულებრივი თაღლითია

18 სექტემბერი, 2020 , 17:30

„ერთიანი ნაციონალური მოძრაობის“ წევრმა თინა ბოკუჩავამ პარლამენტში სიტყვით გამოსვლილსას ეკონომიკის მინისტრი ნათია თურნავა ქვეყანაში არსებული მძიმე სოციალური ფონის გამო გააკრიტიკა. მისი განცხადებით, მოსახლეობა

რეალობას მოწყვეტილი მთავრობა სხვა საქართველოზე საუბრობს - გიორგი ვაშაძე

18 სექტემბერი, 2020 , 17:30

„სტრატეგია აღმაშენებლის“ ლიდერი გიორგი ვაშაძე ქვეყანაში შექმნილ სოციალურ და ეკონომიკურ მდგომარეობას კატასტროფულს უწოდებს და აცხადებს, რომ ამ სიმძიმეს ეროვნული ვალუტის კურსი ყველაზე მეტად გამოხატავს. ვაშაძის გ

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - ზურაბ ჭიაბერაშვილი

18 სექტემბერი, 2020 , 16:15

„ევროპული საქართველოს" მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, ეკონომიკის მინისტრს, ნათია თურნავას მიმართავს. ჭიაბერაშვილის თქმით, ივანიშვილის ხელისუფლებამ ჩააგდო

„ჩვენი საქართველო` ელიტურ კორუფციაზე ეკონომიკის მინისტრს, პასუხს კიდევ ერთხელ სთხოვს

18 სექტემბერი, 2020 , 16:15

პარტია „ჩვენი საქართველო-სოლიდარობის ალიანსი" ეკონომიკის მინისტრის, ნათია თურნავას პარლამენტში მისვლას ეხმაურება. პარტიის განცხადებაში ვკითხულობთ, რომ მათი არაერთი მცდელობის მიუხედავათ, თურნავამ კომპანია „ელგ

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.