უკან

უახლესი ამბები

დღის კალენდარი

ანონსები

არქივი

საზოგადოება

18 იანვარი, 2017 12:45
font-size

რიგმა კლინიკამ დაიწყო ზრუნვა იმაზე, რომ თანხა დაეხარჯა მენეჯმენტის კეთიდლღეობაზე და მინიმალური თანხა მიემართათ პაციენტებისთვის-დავით სერგეენკო

საქართველოს შრომის, ჯანმრთელობისა და სოციალური დაცვის მინისტრი დავით სერგეენკო წამყვანი კლინიკების ხელმძღვანელებს შეხვდა.

როგორც მინისტრმა შეხვედრის დაწყებისას განაცხადა, კლინიკების ხელმძღვანელებთან მოხდება იმ საკითხების განხილვა, რომელიც რეფორმების მეორე ტალღის ნაწილია.

თუმცა იქამდე მინისტრმა, რამდენიმე საყურადღებო საკითხს გაუსვა ხაზი. კერძოდ, მან არაკეთილსინდისერად მომუშავე კლინიკების მაგალითები მოიყვანა და აღნიშნა, რომ სახელმწიფო ასეთ კლინიკებთან თანამშრომლობას ვერ გააგრძელებს.

„საყოველთაო ჯანდაცვა უდავოდ და დადასტურებულად მიჩნეულია როგორც ერთ-ერთი ყველაზე დიდი პროექტი, რომელმაც მოსახლეობის უდიდეს ნაწილს მისცა შვება და დაიცვა ისინი. ალბათ, გაიხსენებთ, რომ ამ ოთხი წლის განმავლობაში ჯანდაცვის სამინისტროს არც ერთხელ არ გამოუყენებია რეპრესიული მეთოდების სამაგალითო დასჯები და არც მომავალში ვაპირებთ ამის გაკეთებას. მაგრამ ეს იმას არ ნიშნავს, რომ სახელმწიფო არ დაიცავს სახელმწიფო ინტერესებს. ჩვენმა ამ პოზიციამ, რიგ კლინიკებს შეუქმნა მცდარი მოლოდინები, რომ მათ დაიწყეს ზრუნვა იმაზე, რომ თანხა დაეხარჯათ მენეჯმენტის კეთიდლღეობაზე და დივიდენდებზე და მინიმალური თანხა მიემართათ პაციენტებისათვის. ამას ახლავე გიდასტურებთ, რომ ამის ატანას არც ვაპირებდით და არც ვაპირებთ მომავალში.

მაგალითად, როდესაც ერთ-ერთ დიდ კლინიკურ გაერთიანებას, რომელშიც ერთ შენობაში, ერთ ეზოში მოქცეული არის რამდენიმე წამყვანი კლინიკა, თითქმის ნახევარი წლის განმავლობაში ჯანდაცვის სამინისტრო უმორჩილესად გთხოვს, რომ ეზო მოაწესრიგონ და სამედიცნიო ნარჩენები არ ეყაროს ეზოში და მათგან ვისმენთ, რომ ეს ტერიტორია განაწილებული არ არის კლინიკებზე და როგორ მოვახერხოთო? მაგრამ, სამაგიეროდ შესასვლელში შლაგბაუმია, რომელიც ალბათ ყველაზე უფრო გამართული აპარატი არის იმ კლინიკაში, მოწესრიგებულად მუშაობს და მჯერა, რომ ამ შლაგბაუმის შემოსავლელს დიდი წარმატებით ინაწილებენ მიუხედავად იმისა, რომ ტერიტორია ვითომდა არ აქვთ განაწილებული. ეს თითქოს მარტივია, მაგრამ ეს აჩვენებს დამოკიდებულებას კლინიკებისა სახელმწიფოსადმი.

იკვეთება, კლინიკები რომლებსაც ჩვენს მიერ გადახდილი თანხების უდიდესი ნაწილი მიემართება, ე.წ არაპირდაპირი ხარჯებისკენ, რაც არის მენეჯმენტის და მმართველების მოგება და მინიმალური ნაწილი მიემართება პაციენტის მოვლისაკენ და ექიმების, ექთნების და იმ პერსონალის ანაზღაურებისაკენ, ვინც უშუალოდ უვლის პაციენტს. ჩვენ ვერ ვიქნებით ვერანაირად მომართული, რომ ასეთ კლინიკებთან გავაგრძელოთ თანამშრომლობა.

არსებობს კლინიკები, რომლებმაც არ არსებული ნონსენსი მოიფიქრეს და დააფუძნეს ისეთი ფრაგმენტული სერვისები, როგორიც არის მაგალითად, მხოლოდ რეანიმაციული განყოფილება. ქუჩიდან იღებენ პაციენტს და ქუჩაშივე უშვებენ. ასეთი ფრაგმენტული სერვისების მომწოდებლებთან ჩვენ ვერ ვიქნებით მომართულები, რომ გავაგრძელოთ ურთიერთობა.

ასევე, ანალიზის შედეგად გამოიკვეთა რომ, მიუხედავად იმისა, რომ სახელმწიფო მოწესრიგებულად იხდის თანხებს და თავისთავად ცხადია, რომ არა ყველა მოთხოვნილ თანხას, ანალიზი კეთდება და რასაც ვთვლით, რომ ეს არის არაჯეროვნად მოთხოვნილი თანხა, იმ ნაწილს ვაჩერებთ. იკვეთება სიტუაციები, როდესაც თითქმის 90% გადახდილი არის მოთხოვნილი თანხის, 10% დარჩენილი არის, როგორც სადაო და კლინიკის მენეჯმენტი მას იყენებს საფუძვლად, რომ ექიმებს, ექთნებს, ვინც უვლის პაციენტს უთხრას, რომ სახელმწიფო არ გვიხდის ფულს, გვიგვიანებს და ამიტომ ვერ გაძლევთ ხელფასებსო. ამ დროს 90% გადახდილი გვაქვს და 10% ძალიან მალე მოგვარდებოდა, რომ ამ კლინიკებისგან ჩვენ საქმიანი ურთეირთთანამშრომლობა გვქონოდა. ჩვენ ვერ ვიქნებით მომართული იქითკენ,რომ ასეთ კლინიკებთან გავაგრძელოთ იგივე ტიპის ურთეირთობები“,-აღნიშნა მინისტრმა.

მონიკა დავლიანიძე

საკვანძო სიტყვები:

მარტვილის ეპარქიაში დაპირისპირების დროს ხალხი აივნიდან გადმოცვივდა

8 მარტი, 2021 , 18:08

დაპირისპირება მოხდა მარტვილის ეპარქიაში. დაპირისპირების დროს ჩამოინგრა რეზიდენციის აივნის ხის მოაჯირი, რის გამოც დაშავდნენ მედიის წარმომადგენლები, მათ შორის „ფორმულას“, POStV-ის, „ტვ პირველისა“ და

„მომისმინე“ - თბილისსა და 10 სხვა ქალაქში 1000 მშობლის მარში იმართება

8 მარტი, 2021 , 17:45

თბილისსა და კიდევ 10 ქალაქში: გორი, ზუგდიდი, ბათუმი, თელავი, მარნეული, ქობულეთი, ქუთაისი, რუსთავი, ახალციხე, ხარაგაული - ათასი მშობლის მარში იმართება. კამპანია ქალთა მოძრაობის ინიციატივაა, ის აერთიანებს ყველა მშობელს, ახ

`გამოდი ღირსებისთვის` - ხვალ მთავრობის ადმინისტრაციასთან აქცია გაიმართება

8 მარტი, 2021 , 17:06

"გამოდი ღირსებისთვის" - აქტივისტები ამ წარწერით საინფორმაციო ბუკლეტებს თბილისში არიგებენ და ხალხს მოუწოდებენ, რომ ხვალ, 9 მარტს, მთავრობის ადმინისტრაციასთან 15:00 საათზე დაგეგმილ აქციას შეუერთდნენ. სამოქალაქო აქტივისტები

მანიაკების ოჯახი მართავს დღეს ქვეყანას - ისნის გამგეობის შესასვლელ კართან ბიძინა ივანიშვილის გამოსახულებით სტიკერები გააკრეს

8 მარტი, 2021 , 16:55

სამოქალაქო აქტივისტებმა ისნის რაიონის გამგეობის შესასვლელ კართან ბიძინა ივანიშვილის გამოსახულებით სტიკერები გააკრეს. „ეს არის მთავარი მაფიოზი საქართველოში, ამ ადამიანის და მისი ოჯახის დამსახურებაა ყველაფერი, რაც დღ

ვამბობ ადამიანური მორალისა და ღირსების გაგებით, ჩემთვის ბერა უფრო მსხვერპლია, ვიდრე დამნაშავე - გია ხუხაშვილი

8 მარტი, 2021 , 14:15

მმართველ პარტიაში ხომ ამბობენ, რომ დამონტაჟებულია, ფალსიფიცირებულია, 2010 წელია... შე კაი ადამიანო, ყველაფერი შენს ხელშია, გამოიძიე, დაადასტურე და ფალსიფიკატორები დასაჯე, დაგვარწმუნე! ამას ერთი სიტყვითაც არ ახსენებენ, -

საქართველოში სექსუალური ძალადობის შემთხვევები წინა წელთან შედარებით, 5%-ით გაიზარდა - საია

8 მარტი, 2021 , 13:00

სექსუალური ძალადობის შემთხვევები 2021 წლის იანვრის მონაცემებით, წინა წელთან შედარებით, 5 პროცენტული ერთეულითაა გაზრდილი, - ამის შესახებ „ახალგაზრდა იურისტთა ასოციაციის“ მიერ ქალთა უფლებრივი მდგომარეობის შესახ