პოლიტიკა

როდესაც ადამიანი დასმული კითხვების გამო ფილარმონიიდან გარბის, რა უნდა ვქნათ, საზოგადოებასაც ავუკრძალოთ კითხვების დასმა?! - დავით ჭიჭინაძე

საპარლამენტო უმრავლესობის წევრ დავით ჭიჭინაძის თქმით, ის არ დაემორჩილება მმართველი გუნდის დეპუტატთა ქცევის კოდექსს, თუ ის ამომრჩევლის ინტერესთა საწინააღმდეგო იქნება.

დეპუტატმა აღნიშნა, რომ ქაღალდზე გაწერილი წესები სუსტ ადამიანებს სჭირდებათ.

„თუკი ჩვენი ქცევა ჩვენი ამომრჩევლის ინტერესებს ეწინააღმდეგება, ვერავითარი საბუთი ვერ დამაკავებს, რომ ამ წესებს დავემორჩილო. თუკი ეს იქნება ჩვენი ამომრჩევლისა და მოქალაქეების ინტერესებში, ყოველგვარი დოკუმენტის გარეშე ვემორჩილები. რაღაც ქაღალდებით გამყარება სუსტ ადამიანებს სჭირდებათ. ადამიანს გააჩნია სიტყვა, შინაგანი ენერგია და ამით უნდა იხელმძღვანელოს.

როდესაც ადამიანი დასმული კითხვების გამო ფილარმონიიდან გარბის, რა უნდა ვქნათ, საზოგადოებასაც ავუკრძალოთ კითხვების დასმა?! ქაღალდზე დაწერილი ქცევის წესები მე არ მჭირდება“,- გამოეხმაურა ჭიჭინაძე ირაკლი კობახიძის განცხადებას, რომ უნდა გაიწეროს საპარლამენტო უმრავლესობის დეპუტატების ქცევის გარკვეული წესები, რომლებიც დისციპლინის დასაცავად არის საჭირო.