ეკონომიკა
როდესაც ბანკის რესურსი არის დოლარი და მას ავალდებულებ გასცე ლარად, აქ ვუბნრუნდებით იმ სასაცილო სიტყვას- რომან გოცირიძე
ნაციონალური მოძრაობის წევრის, რომან გოცირიძის განცხადებით,სწრაფი გამოსავლის სახით დედოლარიზაციის გამოცხადება აბსოლუტური გულუბყვრილობაა.
ამის შესახებ გოცირძემ ლარის გაუფასურებაზე საუბრისას განაცხადა.
„ეს იმდენად ხანგრძლივი მოვლენაა, რომ ამ წუთას სწრაფი გამოსავლის სახით დედოლარიზაციის გამოცხადება არის აბსოლუტური გულუბყვრილობა. რაიმე ფორმით ზემოქმედება კომერციულ ბანკებზე, რომ მათ ლარის სესხი გაზარდონ, იქნება დიდი რისკის შემცველი იმიტომ, რომ კომერციული ბანკების რესურსები არის მოზიდული დოლარში. არც ერთი ადამიანი ამ პირობებში ფულს არ შეინახავს ლარში. ამიტომ, ბანკების ანაბრები იქნება ლარში. ბანკების საგარეო სესხები იქნება ან დოლარში, ან ევროში. ამიტომ როდესაც მათი რესურსი არის დოლარი და მას ავალდებულებ, რომ გასცე ლარად აქ ვუბნრუნდებით იმ სასაცილო სიტყვას, რომელიც იხმარეს, რომ ბანკები ყოველთვის მიმართავენ ჰეჯირებას. ბანკებს ყოველთვის შეუძლიათ ჰეჯირება, ჩვენ კლიენტებს არ შეგვიძლია”,-აღნიშნა გოცირძემ.
მონიკა დავლიანიძე