კომენტარი
როდესაც ჩვენ მოვედით ხელისუფლებაში 5 თეთრით შევამცირეთ ბუნებრივი აირის ფასი - კახა კალაძე
ენერგეტიკის ყოფილმა მინისტრმა, კახა კალაძემ კომენტარი გააკეთა ბუნებრივი აირის შესაძლო გაძვირებასთან დაკავშირებით.
მან არ იცის ბუნებრივი აირის გაძვირების შემთხვევაში, იქნება თუ არა სუბსიდირება.
კალაძის თქმით, ამის შესახებ კითხვით ჟურნალისტებმა მოქმედ მინისტრს უნდა მიმართონ.
"მე როგორც ვიცი, მარეგულირებელი კომისია მუშაობს ამ მიმართულებით და დაველოდოთ გადაწყვეტილებას. თუ არ ვცდები, გაზის ტარიფი ბოლოს 2007 წელს იყო დადგენილი და მერე არ მომხდარა მისი გადახედვა, თუ არ ჩავთვლით 2012 წელს, როდესაც ჩვენ მოვედით ხელისუფლებაში და 5 თეთრით შევამცირეთ ბუნებრივი აირის ფასი," -განაცხადა "ქართული ოცნების" მერობის კანდიდატმა და ენერგეტიკის ყოფილმა მინისტერმა კახა კალაძემ.
შეგახსენებთ, რომ სემეკი დღეს შპს „ყაზტრანსგაზ თბილისისთვის“, შპს „სოკარ ჯორჯია გაზისა“ და სს „საქორგგაზისთვის“ ბუნებრივი გაზის მიწოდების, განაწილების, გატარებისა და მოხმარების ტარიფების დაადგენს.
ნინო ექვთიმიშვილი