კომენტარი

როდესაც დაიხშობა თავისუფლების სივრცე, უნდა მიიღო გადაყვწეტილება სად დარჩები - გიგი უგულავა

ნაციონალური მოძრაობის წევრის, გიგი უგულავას განცხადებით, როდესაც შეუძლებელია პროგრესი, როდესაც დაიხშობა თავისუფლების სივრცე, უნდა მიიღო გადაწყვწეტილება სად დარჩები.

ამის შესახებ უგულავამ ჟურნალისტებთან საუბარში, ნაციონალური მოძრაობიდან ე.წ ბოკერია-ბაქრაძის ფრთის, სავარაუდო, გასვლის თემის კომენტირებისას განაცხადა.

მისი თქმით, რთულია მიიღო ამგვარი გადაწყვეტილება, მაგრამ ამასთანავე, საზოგადოებას უნდა აუხსნა თუ რატომ დგამ ამ ნაბიჯზე.

„მე სხვა პარტიაში არ ვყოფილვარ. არასდროს, ერთი პარტიიდან მეორეში, და მეორედან მესამეში, მეოთხეში და ესე, გასტროლებზე რომ დადიან პარტიიდან პარტიაში ასე, მე არასდროს არ მახასიათებდა. ჩემთვის წარმოდგენა იმისა, რომ ახალი პარტია უნდა შეიქმნას და ჩვენმა თანამოაზრეებმა ახალი პარტია გავაკეთოთ, ძალიან რთული წარმოსადგენია. ეს არ არის ადვილი გადაწყვეტილება. ეს არ არის მარტივი გადაწყვტილება. საზოგადოებას უნდა აუხსნა თუ რატომ კეთდება ეს. მაგრამ, მეორეს მხრივ როდესაც უბრალოდ შეუძლებელია წინსვლა, უბრალოდ შეუძლებელია პროგრესი, როდესაც დაიხშობა თავისუფლების სივრცე, მაშინ შენ უნდა მიიღო გადაწყვეტილება სად დარჩები“,-აღნიშნა უგულავამ.

მედიაში გავცრელებული ინფორმაციის თანახმად, ბოკერია-ბაქრაძის ე.წ ფრთის წარმომადგენლები ნაციონლური მოძრაობის რიგებს 12 იანვარს დატოვებენ.

მონიკა დავლიანიძე