უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
კომენტარი
როდესაც ევროკავშირთან საქართველოს ურთიერთობები ფრენებზე ყალიბდება, რასაკვირველია, პროფესიონალურად განიხილება და არა ჰარიჰარალოდ- გიორგი ვოლსკი
როდესაც ევროკავშირთან საქართველოს ურთიერთობები ფრენებზე ყალიბდება, რასაკვირველია, პროფესიონალურად განიხილება და არა ჰარიჰარალოდ, - ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ განაცხადა, რომელმაც კომენტარი გააკეთა 5 ქვეყანასთან საზღვრების გახსნასთან დაკავშირებით.
„როდესაც ხელშეკრულება ფორმდება ევროკავშირის 5 ქვეყანასთან, რასაკვირველია, ორმხრივად ყველაფერი გაწერილია, რათა საფრთხე არ შეექმნას ჩვენს მოქალაქეებს და არც ისინი არიან ხელჩამოშვებულები და დილეტანტები იმსათვის, რომ თავის მოქალაქეებს პრობლემები შეუქმნან. დარწმუნებული ვარ, ყველაფერი გაკეთდება იმისათვის, რომ ეს პოზიცია, ვითარება შევინარჩუნოთ და გავაუმჯობესოთ. არავინ არის თვითმკვლელი. როდესაც ევროკავშირთან საქართველოს ურთიერთობები ფრენებზე ყალიბდება, რასაკვირველია, პროფესიონალურად განიხილება და არა ჰარიჰარალოდ. ასე, რომ შენიშვნები, განცხადებები, ბრტყელ-ბრტყელი სიტყვები, რაც არის, შეიძლება იგნორირება გაუკეთო, რადგან ოპოზიციის მიზანია, რაღაც ეჭვი შეიტანონ, თითქოს, რაღაც არასწორად კეთდება. დესტრუქციული ოპოზიცია დავარქვით და ზუსტად შეესაბამება თავის სახელს.
რაც შეეხება თურქეთს, უმძიმესი მდგომარეობაა და კონტროლი დაბალ დონეზეა, იმისათვის რომ ჩვენს მოქალაქეებს მივცეთ საშუალება, ჯანმრთელობა რისკის ქვეშ დააყენონ და შემდეგ ჩამოსულებმა კიდე რისკი შეუქმნან ჩვენს მოქალაქეებს. ხელისუფლებისთვის შეზღუდვების დაწესება უფრო რთულია, ვიდრე კარის გახსნა. უპასუხისმგებლო ხალხია, არანაირი პასუხიმგებლობა არ აქვთ. ვითარება, რომ დამძიმდეს კაციშვილს ვერ იპოვით, რომ პასუხი გაგცეთ, რაზეც თავად ლაპარაკობდნენ რამდენიმე დღის წინ”, - განაცხადა ვოლსკიმ.
საქართველო საზღვარს ამ ეტაპზე გერმანიას, საფრანგეთს, ლატვიას, ლიეტუვასა და ესტონეთს გაუხსნის.