უკან

პოლიტიკა

24 მარტი, 2017 16:50
font-size

როდესაც მე რაღაცა უფლებას ჩამომართმევ, უნდა ამიხსნა რითი იქნება ჩემი ცხოვრება უკეთესი - გიორგი მარგველაშვილი

საქართველოს პრეზიდენტ, გიორგი მარგველაშვილის განცხადებით, დღეს დამოუკიდებლობიდან თავისუფლებისაკენ სავალ გზაზე საქართველოს მოსახლეობა აკეთებს არჩევანს როგორ სურს ცხოვრება და გააჩნია ასევე, ამ არჩევანის განხორციელების ძალა.

კამპანიის „კონსტიტუცია ყველასია” ფარგლებში გორის უნივერსიტეტის სტუდენტებთან გამართულ შეხვედაზე გიორგი მარგველაშვილმა პრეზიდენტის არჩევის წესის ცვლილებასთან დაკავშირებით ისაუბრა.

მისი თქმით, საზოგადოება პრეზიდენტის არჩევის უფლებით აღჭურვილია ფაქტობრივად საქართველოს დამოუკიდებლობის პირველივე დღეებიდან და საზოგადოებას ეს უფლება უნდა შეუნარჩუნდეს.

"ეს უფლება უნდა შევუნარჩუნოთ საზოგადოებას, იმიტომ, რომ პირველ რიგში, ეს არის ჩვენი, როგორც ამომრჩევლების უფლება და მეორე, როდესაც მე რაღაცა უფლებას ჩამომართმევ, რომელიც დღეს მაქვს, უნდა ამიხსნა რითი იქნება ჩემი ცხოვრება უკეთესი.

ძალიან ბევრი განცხადებები მომისმენია, რომ ხალხს ნუ დავღლით არჩევნებზე წასვლითო.. არ გვინდაო.. ისხდნენ სახლში წყნარად ტელევიზორებთანო... არ გვინდა ეს ყველაფერი.. ნუ ვაწვალებთ არჩევნებზე წასვლითო... ახლა ეს არგუმენტები კომიკურია, ჩემი აზრით.

ამ მოქალაქეობრივ უფლებას რომ მართმევ, უნდა მითხრა რატომ მართმევ'', - აღნიშნა პრეზიდენტმა სტუდენტის შეკითხვაზე პასუხად.

მისი განცხადებით, როგორც მაღალი პოლიტიკური მანდატით აღჭურვილი პოლიტიკური ფიგურა, პრეზიდენტს აქვს შესაძლებლობა ამ მაღალი პოლიტიკური მანდატიდან გამომდინარე, ითამაშოს დამაბალანსებელის როლი ხელისუფლების სხვა შტოებთან მიმართებაში.

"მაღალი პოლიტიკური მანდატი პრეზიდენტს აძლევს დამაბალანსებელ ფუნქციას, უფლებას განაცხადოს ამა თუ იმ საკითხზე საკუთარი აზრი, ჰქონდეს მაღალი წონა.

თუ პრეზიდენტს სამასი თუ ოთხასი კაცი აირჩევს, ესეთი მაღალი წონა არ ექნება ამ პრეზიდენტის პოზიციას და ფაქტიურად, პრეზიდენტი გაქრება ძალთა ბალანსიდან საერთოდ'', - განაცხადა საქართველოს პრეზიდენტმა.

გიორგი მარგველაშვილის განცხადებით, თანამედროვე სახლემწიფო სისტემაში ხელისუფლების ყველა ნაწილი - აღმასრულებელი, საკანონმდებლო, სასამართლო იყოს დაბალანსებული ერთმანეთთან მიმართებაში.

"თუ ჩვენ ამ სისტემიდან გავაქრობთ პრეზიდენტის ინსტიტუტს, ჩვენ ბევრი საკითხი ბალანსიდან ამოგვივარდება და ეს არის რეალური პრობლემა.

ხალხს და საზოგადოებას უნდა ჰქონდეს იმის უფლება, რომ თუნდაც პრეზიდენტის მეშვეობით, პირდაპირი პოლიტიკური პოზიცია დაუფიქსიროს ხელისუფლების სხვადასხვა შტოს. განსაკუთრებით, მაშინ როდესაც ხდება ამა თუ იმ შტოს მიერ ძალაუფლების მეტი კონცენტრაცია.

თქვენ, ყველას გაქვთ უფლება და ვალდებულებაც, რომ თქვენი პოლიტიკური პოზიცია დააფიქსიროთ, აუცილებლად არჩევნებზე წახვიდეთ და თქვენი აზრი გამოთქვათ და როდესაც კონსტიტუციონალისტები ამ უფლებას გვართმევენ, ერთი სიტყვით მაინც უნდა გვითხრან რითი გახდება ჩვენი ცხოვრება უკეთესი, გარდა იმისა, რომ იმ არჩევნებზე დავჯდებით სახლში ტელევიზორთან და არ დავიღლებით საარჩევნო უბანზე მისვლით.

მიმაჩნია, რომ უფრო მეტი არჩევითი თანამდებობებია საჭირო, არამარტო პრეზიდენტის. რაც უფრო მეტი არჩევითობაა, მით უფრო ახლოს არის ხელისუფლება ხალხთან. მით უფრო ვალდებულად თვლის თავის თავს, რომ ანგარიში გაუწიოს საზოგადოებას'', - განაცხადა გიორგი მარგველაშვილმა.

ნინო ექვთიმიშვილი

საკვანძო სიტყვები:

პრეზიდენტ ტრამპის ადმინისტრაციის პირობებში აშშ-საქართველოს შორის ურთიერთობა ყველაზე მაღალ ნიშნულზეა - მამუკა ბახტაძე

17 თებერვალი, 2019 , 10:49

ამერიკის შეერთებული შტატები ჩვენი სტრატეგიული პარტნიორია და ძალიან ძლიერი ორპარტიული მხარდაჭერა გვაქვს, - ამის შესახებ საქართველოს პრემიერ-მინისტრმა მამუკა ბახტაძემ მიუნხენის უსაფრთხოების 55-ე კონფერენციის ფარგლებში აღმო

2008 წელს საქართველოს და შემდეგ უკრაინის წინააღმდეგ განხორციელებულმა აგრესიამ სრულიად გამოუთხარა ძირი უსაფრთხოებას და მშვიდობას - მამუკა ბახტაძე

17 თებერვალი, 2019 , 10:45

2008 წელს საქართველოს და შემდეგ უკრაინის წინააღმდეგ განხორციელებულმა აგრესიამ სრულიად გამოუთხარა ძირი უსაფრთხოებას და მშვიდობას, - ამის შესახებ საქართველოს პრემიერ-მინისტრმა მამუკა ბახტაძემ მიუნხენის უსაფრთხოების 55-ე კო

საქართველო ბუნებრივად არის რეგიონულ ცენტრად და ხიდად გადაქცევის კანდიდატი, რითაც ხელს შეუწყობს მზარდ საერთაშორისო სავაჭრო ტვირთბრუნვას ევროკავშირსა და ჩინეთს შორის - მამუკა ბახტაძე

17 თებერვალი, 2019 , 10:41

საქართველო ბუნებრივად არის რეგიონულ ცენტრად და ხიდად გადაქცევის კანდიდატი, რითაც ხელს შეუწყობს მზარდ საერთაშორისო სავაჭრო ტვირთბრუნვას ევროკავშირსა და ჩინეთს შორის, - ამის შესახებ საქართველოს პრემიერ-მინისტრმა მამუკა ბახ

მამუკა ბახტაძე მიუნხენში ალექსის ციპრასს შეხვდა

16 თებერვალი, 2019 , 21:04

საქართველოსა და საბერძნეთის ისტორიულ კავშირებზე, მეგობრულ ურთიერთობებსა და თანამშრომლობის კიდევ უფრო მაღალ დონეზე გადაყვანაზე ისაუბრეს საქართველოსა და საბერძნეთის პრემიერ-მინისტრებმა დღეს გამართულ შეხვედრაზე. მამუკა ბახტ

ვოლფგანგ იშინგერი ნატოში გაწევრიანების პერსპექტივაზე - არ არსებობს მიზეზი, რატომ უნდა ეთქვას უარი საქართველოს იმაზე, რაც წლების წინ სხვა ქვეყნებმა მიიღეს

16 თებერვალი, 2019 , 20:43

სამწუხაროდ, ჩვენ ვხედავთ, რომ ისეთი ქვეყნები, როგორებიცაა საქართველო, უკრაინა და სხვანი, ძალიან რთულ მდგომარეობაში აღმოჩნდნენ მოსკოვის მხრიდან კატეგორიული წინააღმდეგობის მიზეზით, ასევე დასავლეთის ქვეყნების მხრიდან ყოყმან

საქართველოსა და ჩრდილოეთ მაკედონიას შორის დიპლომატიური ურთიერთობა დამყარდა

16 თებერვალი, 2019 , 17:09

საქართველოსა და ჩრდილოეთ მაკედონიის რესპუბლიკას შორის დიპლომატიური და საკონსულო ურთიერთობების დამყარების შესახებ ოქმსსაქართველოს საგარეო საქმეთა მინისტრმა დავით ზალკალიანმა და ჩრდილოეთ მაკედონიის საგარეო უწყების ხელმძღვა