უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
პოლიტიკა
როდესაც ნინო გვენეტაძე გადადგა, ერთი მადლობაც კი არ გადაუხდია პრეზიდენტს მისთვის - თეა წულუკიანი
იუსტიციის მინისტრმა თეა წულუკიანმა უზენაესი სასამართლოს თავმჯდომარეობის კანდიდატურასთან დაკავშირებით საქართველოს პრეზიდენტის მიერ ჩატარებულ კონსულტაციებს სპექტაკლი უწოდა და აღნიშნა, რომ თუ პრეზიდენტი ვადის ამოწურვამდე ვერ დაასახელებს ახალ კანდიდატურას, ასეთ შემთხვევაში, ამოქმედდება ძირითადი კანონი და კონსტიტუციით განსაზღვრული წესები.
„ვერ ვხედავ ნეგატივს იმაში, რომ პრეზიდენტმა მისი უფლებამოსილების ამოწურვამდე დაასახელოს კანდიდატურა, თუკი არ გაურბის პასუხისმგებლობას. იურიდიულ წრეებში ბევრი ღირსეულია და პოვნა არ გაუჭირდება, მთავარია, მოისურვოს“, – განაცხადა წულუკიანმა.
მინისტრის თქმით, მმართველი გუნდის პასუხისმგებლობაზე საკითხი დგება მას შემდეგ, როცა პრეზიდენტი პარლამენტს კანდიდატურას წარადგენს.
„ვიდრე პრეზიდენტი თავის პრეროგატივასა და ვალდებულებას არ ახორციელებს, ძნელია, ისაუბრო მმართველი გუნდის პასუხისმგებლობაზე და გეგონოს, რომ არის მმართველი გუნდის ბრალი. შევყურებთ პრეზიდენტს, დაასახელოს მართლმსაჯულების ხელმძღვანელის კანდიდატურა, თუმცა ვფიქრობ, რომ მას კონსულტაციები ჩაუვარდა“, – თქვა წულუკიანმა.
გარდა ამისა, წულუკიანმა ნინო გვენეტაძის დასახელების ფაქტიც გაიხსენა.
„პრეზიდენტმა გაიარა კონსულტაციები და ნინო გვენეტაძე წარადგინა. როდესაც ნინო გვენეტაძე გადადგა, ერთი მადლობაც კი არ გადაუხადა მის მიერვე წარდგენილ ადამიანს. როგორც ჩანს, ამ ადამიანის მთავარი სამუშაო იარაღი კონსულტაციებია“, – აღნიშნა მინისტრმა.
ცნობისთვის, საქართველოს პრეზიდენტი უზენაესი სასამართლოს თავმჯდომარეობის კანდიდატს აღარ წარადგენს.
2 აგვისტოს უზენაესი სასამართლოს თავმჯდომარემ, იუსტიციის უმაღლესი საბჭოს თავმჯდომარემ, ნინო გვენეტაძემ თანამდებობა დატოვა.
უზენაესი სასამართლოს თავმჯდომარეს თანამდებობაზე 10 წლის ვადით ირჩევენ.