მოზაიკა

როგორია Amazon-ის თანამშრომელთა სამუშაო სივრცე?

მაშინ, როცა მსოფლიოს უმსხვილესი კომპანიები, ძირითადად, მეგაპოლისების გარეუბნებშია განლაგებული, ონლაინ-გაყიდვების გიგანტმა სიეტლის ცენტრში დაიდო ბინა.

„ამაზონის“ სათავო ოფისის არქიტექტურული პროექტი კომპანია NBBJ-ს ეკუთვნის. მშენებლობაზე, რომელიც თითქმი 5 წელი გრძელდებოდა, 4 მილიარდი დოლარი დაიხარჯა.

ამ პროექტის ყველაზე საინტერესო ნაწილია ერთმანეთთან დაკავშირებული შუშის სამი სფერო, რომლებშიც მრავალდონიანი ბოტანიკური ბაღია გაშენებული!

ამ სფეროებს შორის ყველაზე დიდის სიმაღლე 27 მეტრია, დიამეტრი - 39 მეტრი.

სფეროები დაფარულია შუშის 2643 პანელით, რომლებზეც სპეციალური ფირია გადაკრული, რათა ინფრაწითელი გამოსხივება შეიზღუდოს და შნობაში სიგრილე შენარჩუნდეს.

The Spheres – ეს სამი ბიოსფერო სავსეა 300 მეტი სახეობის მცენარით, რომლებიც ჩატანილია მსოფლიოს 50 ქვეყნიდან. აქ არის ასევე მცენარეებით დაფარული „ცოცხალი“ კედელი, რომელიც 4-სართულიანი სახლის სიმაღლეა და ჩანჩქერი.

ბიოსფეროებში დღის განმავლობაში ჰაერის ტემპერატურაა +22, ტენიანობა - 60%, ღამით კი +12 გრადუსი და ტენიანობა 90%, რათა ტყის ეკოსისტემების ნოტიო კლიმატი შეიქმნას.

The Spheres-ის საერთო ფართობი 6200 კვ. მეტრია. ეს Amazon-ის მთლიანი ოფისის მხოლოდ პატარა ნაწილია, თუმცა აქაურობა ინტერნეტ-გიგანტის ოფისის ცენტრი და გულია.

Amazon-ის „სფეროები“ - ეს არის ადგილი, სადაც ოფისის თანამშრომლები მუშაობენ, სამუშაო შეხვედრებს მართავენ და ისვენებენ კიდეც. აქაურობა ასევე ღიაა ტურისტებისთვის.

Amazon-ის „სფეროები“ უკვე იქცა კიდეც სიეტლის ერთ-ერთ ღირსშესანიშნაობად.

„სფეროების“ დიზაინი კვლევების შედეგად არის შემუშავებული; როგორც პროექტის ავტორები ირწმუნებიან, ეს სივრცე ადამიანს შთააგონებს შემოქმედებისთვის და ტვინის მუშაობასაც აუმჯობესებს. და მართლაც, ერთდროულად იყო ქალაქის ცენტრში და მუშაობდე ტყეში, ეს ნამდვილად არაბანალურია და, ალბათ, ძალიან სასიამოვნოც.

***
თუკი თქვენც აშენებთ სახლს, არემონტებთ ბინას ან, უბრალოდ, გაინტერესებთ ამ სფეროს სიახლეები, ძალიან სასარგებლო ინფორმაციას მიიღებთ ვებგვერდებზე:

საფასადე სამშენებლო ხარაჩო

ფრანგული გასაჭიმი ჭერის მონტაჟი

NS