უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
როგორც ჩანს, ძალიან მალე კიდევ მესამედ მომიწევს პარლამენტისთვის მიმართვა - გიორგი გახარია
შინაგან საქმეთა მინისტრობის კანდიდატის, გიორგი გახარიას ვარაუდით, ის პარლამენტის წინასე მესამედაც წარდგება. ამის შესახებ მან საპარლამენტო კომიტეტთა გაერთიანებულ სხდომაზე სიტყვით გამოსვლისას ისაუბრა, სადაც დეპუტატები მინისტრობის კანდიდატებს უსმენენ.
გახარიას თქმით, უწყება კონცენტრირებულად მუშაობს იმ რეფორმების გატარებაზე, რომლის მიზანია ქვეყანაში უსაფრთხოებისა და მართლწესრიგის ხარისხის გაზრდა.
„ჩემთვის დიდი პატივია მოგმართოთ და ასევე მხვდა წილად ბოლო ერთი თვის განმავლობაში უკვე მეორედ მქონდეს საშუალება, მივმართო პარლამენტს და როგორც ჩანს, ძალიან მალე კიდევ მესამედ მომიწევს პარლამენტისთვის მიმართვა, ალბათ. ვეცდები, მოკლედ ვისაუბრო, რათა კითხვებისთვის მეტი დრო დარჩეს. ჩვენ სრულიად კონცენტრირებულად ვმუშაობთ იმ რეფორმების გატარებაზე, რომლის მიზანი არის უსაფრთხოებისა და მართლწესრიგის ხარისხის გაზრდა ჩვენს ქვეყანაში. რეფორმის ამ პაკეტს ჩვენ დავარქვით სისტემური განახლება, რადგან გვესმის, რომ დღევანდელი გამოწვევების პირობებში, პოლიცია და შსს ნამდვილად საჭიროებს სისტემურ განახლებას“, - განაცხადა გახარიამ.